Tifozi u fut në fushë dhe goditi lojtarin nga pas – por shpejt pendohet për veprimin

Hyrja e tifozëve në fushë nuk është asgjë e re, edhe pse me siguri pas ndeshjes ata do të pendohen për vendimin kur do t’i jepen sanksione policore si dhe ndalime të mundshme nga stadiumet për sa kohë që e gjykojnë të arsyeshme.

Një tifoz që do të pendohet për atë vendim pasi të shkelë fushën e lojës do të jetë edhe një tifoz i Deportes Tolima.

Ai ishte i pranishëm në ndeshjen e ligës kolumbiane midis Millionarios dhe Deportes Tolima kur vendosi të shkaktonte një skenë shokuese.

Tifozi u fut me shpejtësi në fushë, duke kërcyer mbi barrierat pak para nisjes së takimit, duke vënë syrin te lojtari i Millionarios, Daniel Catano, i cili po kryente ngrohjet, duke bërë zgjatjet për herë të fundit.

Në mënyrë vërtetë qyqare, tifozi 31-vjeçar vrapoi drejt mesfushorit, duke e goditur nga pas, por jo gjithçka shkoi sipas planit për tifozin, i cili u përpoq të largohej nga një sigurim i fushës, por duke e bërë këtë, i dha kohë Catanos për ta kapur atë, i cili kuptohet që ishte i indinjuar dhe kërkoi të hakmerrej.

Video më poshtë tregon veprimin e shëmtuar të tifozit që me gjasë do të marrë ndëshkim të rëndë. /Telegrafi/

Video completo de la agresión contra Daniel Cataño. pic.twitter.com/7rTfnephdz

— LA VOZ DEL EMBAJADOR (@lavozembajador) February 12, 2023