Tifozi që e preku në të pasme Ocamposin, merr dënimin e merituar

Sulmuesi argjentinas, Lucas Ocampos po përgatitej të gjuante një goditje gjatë ndeshjes mes Sevillas dhe Rayo Vallecanos në një ndeshje të La Ligës në fillim të këtij muaji, kur një tifoz i ri i skuadrës vendase nguli gishtin në të pasmet e tij.

Ylli i Sevillas iu drejtua tifozit që po qeshte pas lëvizjes së tij, por Ocampos u ndal dhe u përball vetëm verbalisht me tifozin.

Tifozi i klubit nga periferia e Madridit tani është dënuar me gjashtë mijë euro gjobë dhe i është ndaluar të ndjekë ndeshjet për një vit.

💸⚽ ¿Quién pagará la multa de 6.000 euros del menor que metió un dedo en el ano a Lucas Ocampos? https://t.co/vcrEyrXooF

👉 Antiviolencia ha propuesto una sanción económica para el joven por lo sucedido en el estadio de Vallecas

— 20minutos.es (@20m) February 14, 2024

Ky është vendimi i Komisionit për Luftën kundër Dhunës, Seksizmit, Racizmit dhe Intolerancës në Sport.

“Të gjithë e panë atë që ndodhi. Shpresoj që La Liga ta marrë seriozisht këtë, si racizmin. Nuk mendoj se të gjithë tifozët e Rayos janë të tillë, ata gjithmonë na mirëpresin me respekt, por gjithmonë ka budallenj,” ka thënë Ocampos.

Ai tutje tha se nëse do të ndodhte në futbollin e femrave do të bëhej shumë e madhe.

Lexo po ashtu Gjest i shëmtuar: Një tifoz i futi gishtin në të pasme yllit të Sevillas teksa po bëhej gati për një rivënie me duar

“Shpresoj që kjo të mos ndodhë më diku tjetër. Nëse do të ndodhte në futbollin e femrave, të gjithë e dimë se çfarë do të ndodhte. Unë u përmbajta sepse kam dy vajza dhe shpresoj që të mos u ndodhë nesër”, ka thënë argjentinasi. /Telegrafi/