Tifozët zbulojnë se lojtarët e Real Madridit ishin të rreshtuar në mënyrë identike në fotot e ekipit para ndeshjes për dy finalet e LK

Tifozët e futbollit me ‘sy të shqiponjës’ kanë parë fotot identike të Real Madridit në finalet e Ligës së Kampionëve 2017 dhe 2018.

Gjigantët spanjollë u kurorëzuan kampionët e Evropës për tre sezone radhazi midis 2016 dhe 2018.

Por, vetëm kohët e fundit njerëzit kanë vërejtur ngjashmërinë e tyre të jashtëzakonshme mes fotove të tyre të formacionit para ndeshjes nga finalet kundër Juventusit në Cardiff dhe kundër Liverpoolit në Kiev.

Zinedine Zidane futi saktësisht të njëjtët 11 lojtarë në të dyja ndeshjet.

Keylor Navas filloi në portë, me një katërshe mbrojtëse të Dani Carvajal, Sergio Ramos, Raphael Varane dhe Marcelo.

Mesfusha përbëhej nga Casemiro, Toni Kroos dhe Luka Modric.

Dhe pastaj në sulm ishte një treshe e Isco, Cristiano Ronaldo dhe Karim Benzema.

Mirëpo, nuk ishte vetëm personeli që dukej i njëjtë – madje edhe vendosja e duarve dhe këmbëve të tyre ishin identike në të dyja fotot, pavarësisht se ishin 12 muaj diferencë.

Këto gjëra të vogla përfshinin vendosjen e duarve të Marcelo në këmbët e Casemiro dhe Caravajal, si dhe Ronaldon duke qëndruar në gishtat e tij. /Telegrafi/