“Ti ke hyrë në gjynah me disa gjëra, nuk të kam edukuar me këto gjeste”, babai i Fifit hyn në shtëpi për ta takuar dhe qortuar të bijën

Fifi ka qenë pa dyshim një nga banoret më dinamike që nga hyrja në shtëpinë e Big Brother VIP.

Ajo ka shkaktuar shpesh herë trazira te banorët e tjerë me sjelljen e saj, por ka ditur edhe të kërkojë falje në momentin që ka gabuar në relacion me të tjerët.

Fifi në spektaklin e së martës ka marrë edhe një këshillë nga babai i saj, i cili është menduar nga produksioni si një befasi për të.

Me të hyrë në shtëpinë e Big Brother VIP, babai i këngëtares i ka thënë Fifit se duhet të jetë më shumë vetëvetja, praktikisht Fifi që ata njohin nga jashtë.

“Nuk je Filloreta që njoh unë. Ti duhet me mbështet njeriun. Me qenë Leta babit. Ti ke hy në gjynah babë me disa sende. Nuk je sjell mirë, nuk të kam edukuar me këto gjeste babë. Ti je çika ime, duhet me tregu vetveten”, i ka thënë ndër të tjerash babai kantautores së njohur.

“Mua nuk më ka kërkuar kurrkush falje. Unë kam bërë do sende e kam kërkuar falje, po ka qenë shumë vështirë mu përshtat babë”, i është përgjigjur Fifi.

Lexo po ashtu Të gjitha lajmet nga lajmet Big Brother VIP

Ndërkohë, babai e ka mbyllur bisedën me premtimin e vajzës së tij se do të jetë ajo vajza e tyre e mirë dhe e sjellshme që është nga jashtë.

“Ti duhesh me më premtu që do jesh Filloreta jem”, i thotë babai këngëtares, e cila i është përgjigjur me “të premtoj”. /Telegrafi/

* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.