Thonjtë tuaj ndryshojnë me kalimin e moshës – ja si të kujdeseni për ta, sipas dermatologëve

Ashtu si lëkura, flokët, edhe thonjtë plaken bashkë me ne!

Lajmi i mirë është se ka shumë gjëra që mund të bëni për ta bërë këtë një proces të këndshëm dhe të pranueshëm.

Sipas ekspertëve, humbja e keratinës luan rol shumë të madh, së bashku me një sërë faktorësh të tjerë të brendshëm dhe të jashtëm si kequshqyerja, qarkullimi më i ngadaltë i gjakut dhe ekspozimi i tepërt ndaj ujit.

Pse thonjtë ndryshojnë me moshën?

“Thonjtë plaken ashtu si pjesa tjetër e trupit tonë,” shpjegon dermatologia Pooja Rambhia. “Ndryshimet e thonjve të lidhura me moshën janë kryesisht për shkak të qarkullimit të gjakut, dëmtimeve, infeksioneve dhe kushteve shëndetësore”.

Një tjetër fajtor? Humbja e keratinës. “Thonjtë tanë, si flokët, përbëhen kryesisht nga proteinat e keratinës dhe me kalimin e moshës, kjo natyrshëm bie,” thotë Rambhia, shkruan Today.

Shpejtësia e rritjes së thonjve gjithashtu ndryshon me kalimin e viteve, gjë që mund të ndikojë ndjeshëm në shëndetin e tyre. Pas moshës 40 vjeç, procesi i rritjes së thonjve ngadalësohet goxha, ndërsa ekspozimi ndaj faktorëve mjedisorë e përkeqëson edhe më shumë situatën.

Si të kujdeseni për thonjtë me kalimin e moshës?

Kujdesi për thonjtë nuk është i ndryshëm nga kujdesi për lëkurën dhe flokët. Nëse doni thonj të bukur edhe pse mosha nuk është në favorin tuaj, fokusohuni në një qasje brenda-jashtë, pra një mënyrë ushqyerje e mirë dhe një kujdes i përditshëm.

Lexo po ashtu Simptoma të heshtura të kancerit që shfaqen në thonj: Nëse i vëreni këto ndryshime, shkoni menjëherë te mjeku

Një dietë të ekuilibruar që përmban proteina, vitaminave dhe minerale, duke përfshirë edhe hekurin, është ajo që ju duhet për të “investuar” në shëndetin e thonjve.

Të gjithë ekspertët bien dakord në idenë se hidratimi është njëherësh një hap i rëndësishëm kur bëhet fjalë për shëndetin e tyre, citon Anabel.

“Hidratimi i shpeshtë i thonjve dhe lëkurës përreth, së bashku me pirjen e mjaftueshme të ujit ndihmon në ruajtjen e niveleve t% hidratimit dhe parandalimin e krijimit të thonjve të brishtë,” përfundon dermatologia. /Telegrafi/