Sezoni i parë i Thibaut Courtois në Real Madrid ishte për tu harruar, megjithatë ai ka arritur të rikthejë formën e tij këtë sezon.
Portieri 27-vjeçar ka regjistruar numra më të mirë se dy portierët e tjerë të klasit botëror që janë në La Liga, si Jan Oblak (Atletico Madrid) dhe Marc-Andre ter Stegen (Barcelona).
Sezonin e kaluar belgu pranoi 48 gola në 35 ndeshje, por ishte Zinedine Zidane ai që vendosi që ta mbajë portierin si zgjedhjen e tij të parë, duke lejuar që Keylor Navas të largohej.
Tre portierët më të mirë në La Liga (Foto: Marca)
Këtë sezon ai ka pritur 76.6 për qind të gjuajtjeve nga kundërshtarët, me Oblak që vjen pas tij si i dyti me 75 për qind, ndërsa gjermani Ter Stegen me 65 për qind është i treti.
Belgu edhe sa i përket pritjeve nga goditjet brenda zonës është lider me 72 për qind, në krahasim me 67.5 për qind që ka Oblak dhe 54.5 për qind që ka Ter Stegen.
Pritjet e Thibaut Courtois. (Foto: Denis Doyle/Getty Images/Guliver)
Asnjë lojtar nuk e ka arritur ta mposht atë me goditje jashtë zonës, ndërsa Ter Stegen ka ndaluar 85 për qind të goditjeve nga distanca, e Oblak 82 për qind.
Jan Oblak . (Fot: Alex Caparros/Getty Images/Guliver)
Courtois ka pritur 17 goditje me kokë të kundërshtarëve, Ter Stegen 12, ndërsa Oblak tetë deri më tani këtë sezon.
Marc-Andre Ter Stegen . (Foto: Gonzalo Arroyo Moreno/Getty Images/Guliver)
Portieri i Real Madridit aktualisht po udhëheq në garën për trofeun “Zamora”, i cili i jepet çdo sezon portierit që ka pranuar më pak gola në La Liga. /Telegrafi/
