Tërmeti që goditi Turqinë dhe Sirinë, ka lënë mbi pesë mijë të vdekur, ndërsa sot mediat turke kanë shkruar se kjo ka goditur edhe sportin.
Eyup Ahmet Turkaslan, portieri i Yeni Malatyaspor, një prej skuadrave të Ligës së Parë të Turqisë, humbi jetën në tërmetin e ndodhur në Kahramanmaras.
Ka qenë klubi që ka njoftuar vdekjen e tij, duke shprehur ngushëllimet.
"Ngushëllimet tona! Portieri ynë Ahmet Eyüp Türkaslan humbi jetën pasi u shtyp në tërmetin e ndodhur. Zoti e mëshiroftë, u preftë në paqe. Nuk do të harrojmë, si person i mirë që ishe", ka shkruar faqja e klubit.
Gruaja e tij që ishte së bashku është nxjerrë nga rrënojat dhe është në jetë.
28 vjeçari ka bërë karrierë në klube se Bugasasspor, Osmanlispor, Umranyespor dhe Yeni Malatyaspor./Telegrafi/
