Televizioni holandez zbulon bisedën mes Mourinhos dhe Kluivertit, portugezi e quajti “i veçantë” dhe i premtoi transferimin te Unitedi

Trajneri portugez, Jose Mourinho ka bërë një lëvizje jo të preferuar kundrejt talentit të Ajaxit, Justin Kluivert.

Manchester United dhe Ajax janë ndeshur të mërkurën mes vete në finalen e madhe të Ligës së Evropës, ku në fund fitoi skuadra angleze me rezultat 2-0.

Mourinho ka shfrytëzuar këtë ndeshje për të provuar të josh talentin e Ajaxit, Justin Kluivert, i cili është biri i legjendës së Holandës, Patrick.

Lexo po ashtu Mourinho: Në krahasim me legjendat e Unitedit, jam “askushi”

Emisioni televiziv holandez Voetbal Inside ka zbuluar bisedën mes dy aktorëve, ku Mourinho e cilëson adoleshentin si të “veçantë” dhe i premton atij një transferim në Old Trafford në verën e vitit 2018.

“Të dua ty në ekip! Ju jeni i veçantë!”, i ka thënë fillimisht Mourinho.

“Kam dëgjuar që edhe ju”, ia kthen Kluivert me buzëqeshje.

Lexo po ashtu Tifozët e Unitedit i ofrojnë Ibrahimovicit gruan për të qëndruar në klub, suedezi fotografohet dhe qesh me banerin e tyre (Foto/Video)

“Po, unë jam i veçantë. Le të bëjmë një transferim të veçantë. Në sezonin tjetër!”, shtoi portugezi, transmeton Telegrafi.

“Ju vini në Manchester. Bëheni sulmuesi im. Shkëlqe edhe një sezon tjetër tek Ajaxi, pastaj e bëjmë historinë së bashku. Fitojmë Ligën e Kampionëve”, përfundoi Mourinho.

“Po, nuk mund të pres!”, përfundoi talenti holandez. /Telegrafi/

https://twitter.com/Ahsi_7/status/867822123162775552