Telefoni i ri Nokia lansohet më 4 tetor

Një telefon i ri Nokia do të zbulohet nga HMD Global më 4 tetor. Kompania ka dërguar ftesa për një ngjarje në Londër. Ka dy telefona të mrekullueshëm Nokia të përfolur kohën e fundit: Nokia 9 (ose 10, pavarësisht se cili do të jetë emri) me pesë kamera, dhe telefoni i lojrave Nokia.

Shanset janë, megjithatë, se lansimi nuk do të sjell asnjërin prej tyre. Në vend të kësaj, ne mund të shohim Nokia 7.1 Plus, i njohur edhe si Nokia X7 në Kinë. Kjo pajisje pritet të ketë një procesor Snapdragon 710, 6GB RAM dhe një sistem të dyfishtë kamerash të firmës ZEISS.

Nokia 7.1 Plus gjithashtu pritet të ketë një raport ekrani 19: 9 me një rezolucion prej 1,080 x 2,280, që është Full HD +.

Është e mundur se do të pozicionohet si një pajisje mesatare premium. Android 9 One Edition duhet të jetë sistemi operativ i zgjedhur, sipas raporteve të fundit.

Edhe pse Nokia 8 u lansua këtë vit, shumë njerëz janë ende duke pritur për një pajisje të vërtetë premium nga HMD. Nokia 9 me pesë kamera mund të jetë telefoni që po lansohet më 4 tetor, por thashethemet e kohëve të fundit tregojnë se është shtyrë për në shkurt të vitit 2019. Kjo është koha kur zhvillohet Kongresi Botëror i Telefonave (Mobile World Congress) në Barcelonë. /Telegrafi/