Telefoni me 5G i OnePlus mund të mos jetë OnePlus 7

OnePlus kishte deklaruar më parë se ata do të lansonin një telefon 5G në 2019, për të cilin shumë kishin supozuar se do të ishte ose OnePlus 7 ose 7T.

Kjo bazohet në orarin e lansimit të kompanisë në të cilën ata zakonisht lëshojnë dy telefon premium në vit. Por siç duket, kjo mund të mos jetë kështu.

Sipas një raporti nga CNET (nëpërmjet PhoneArena), ata kanë marrë deklaratën e OnePlus të cilët duket se konfirmuan se OnePlus 7 nuk do të ketë 5G.

Duke supozuar se informata është e saktë, artikulli thotë se OnePlus do të zbulojë një telefon 5G në vitin 2019 siç premtohej më parë, por vuri në dukje se nuk do të jetë OnePlus 7.

Në vend të kësaj, modeli 5G do të jetë një linjë krejtësisht e re e telefonave nga kompania, që do të shfaqë një markë të re dhe gjithashtu një dizajn të ri, përcjell Telegrafi.

Kjo duket të jetë interesante pasi OnePlus tradicionalisht ka lansuar një telefon në një kohë të caktuar, në krahasim me kompanitë e tjera të tilla si Samsung apo LG të cilët kanë tendencë të lëshojnë pajisje të shumta me specifika dhe çmimeve të ndryshme.

OnePlus nuk është vetëm në planet e tyre për të lansuar një telefon 5G në 2019.

Kompani të tjera të tilla si Huawei, Samsung dhe LG pritet të nisin pajisjet me 5G gjithashtu në të ardhmen e afërt. /Telegrafi/