Tek tani fillon “kaosi”, ndryshimet që Brexiti ua sjell turistëve dhe punëtorëve nga Evropa

Gjatë periudhës kalimtare prej 11-muajsh, që është futur në fuqi në mesnatën e së premtes me daljen e Britanisë së Madhe nga Bashkimi Evropian, do të ndodhin ndryshime të mëdha që do të ndikojnë si në udhëtimin drejt Britanisë ashtu edhe dalja e qytetarëve të këtij vendi për në vendet tjera.

Parlamenti Evropian në prill të vitit 2019 mori vendim që qytetarët e Britanisë së Madhe, gjatë fazës kalimtare të kenë të drejtë të udhëtojnë brenda vendeve të Bashkimit Evropian pa pasur nevojë për viza, kështu që turistët britanikë që udhëtojnë në vendet e BE-së nuk do të kishin nevojë të kenë kurrfarë probleme, nëse në ato vende qëndrojnë më pak se një muaj, transmeton Telegrafi.

Edhe pse ende nuk dihen se si turistët do të trajtohen në vitin 2021, duke marrë parasysh që Britania e Madhe dhe BE-ja nuk munden ligjërisht të fillojnë bisedimet për raportet e tyre të ardhshme – derisa të kalon gjysma e muajit shkurt.

Ish-ministrja britanik për Zhvillim Ndërkombëtar, Pretty Patel, ka deklaruar se sido që të rrjedhin bisedimet, lëvizja e lirisë dhe mundësia që qytetarët e Bashkimit Evropian të punojnë në Britani të Madhe pa viza, një gjë e tillë pritet të hiqet nga ligji.

Lexo po ashtu Britania e Madhe i jep fund bashkëjetesës 47-vjeçare, largohet nga BE-ja – Boris Johnson porosit: Brexiti nuk është një fund, por një fillim

Aktualisht ekzistojnë planet që Britania e Madhe nga viti i ardhshëm të jetë pjesë e organizatës së re “European Travel Information and Authorization Systyem”, që do t’ju mundësojë qytetarëve që nuk janë pjesë e BE-së të udhëtojnë pa viza, edhe pse ekziston mundësia që një lëvizje e tillë të mos aplikohet deri në vitin 2021.

Kjo do t’ju mundësonte britanikëve të udhëtojnë brenda zonës Shengen pa viza me një tarifë prej 7 eurosh, kurse “bileta” do të duhej të zgjaste tri vite dhe do të mund të blihej online, por pjesëmarrja e Britanisë në këtë organizatë varet nga Parlamenti i saj që duhet t’ua mundësojë të njëjtat kushte qytetarëve të vendeve të BE-së, dhe të ndryshojnë sistemin e ngjashëm elektronik që autorizon udhëtimet.

Qytetarët sipas anketave të bëra, do të ishin të kënaqur me një rrjedhë të tillë, para se gjithash sepse është një zgjidhje e lirë që nuk kërkon komplikime dhe shumë dokumente.

Megjithatë, ekzistojnë gjasa të mëdha që Britania e Madhe dhe Bashkimi Evropian nuk do të arrijnë marrëveshje deri në fund të këtij viti, që për disa muaj do të mund të rrezikonte udhëtimin e qytetarëve të Britanisë dhe atyre nga vendet e BE-së.

Në fillim të periudhës kalimtare nuk do të ketë shumë ndryshime, vizitorët evropianë edhe më tutje do të udhëtojnë me dokumente të ngjashme dhe pasaporta elektronike, por edhe nëse një marrëveshje e tillë arrihet deri në fund të vitit, ekziston mundësi të pasagjerët e huaj do të mund të përdorin linjat e veçanta në aeroporte dhe tragete.

Lexo po ashtu Angela Merkel: Edhe pse daljes nga BE-ja, Gjermania dëshiron të jetë partnere dhe mike e Britanisë së Madhe  

Por, kjo do të shkaktonte vonesa në fluturime dhe nisje nga tragetet, pasi që në aeroporte dhe porte do të mund të vinte deri te turmat e mëdha sesa që aktualisht janë. Problemi do të shfaqej tek ata që udhëtojnë nga BE-ja për në Britani të Madhe, dokumentet personale të cilëve që sipas gjitha gjasave nuk do të vlejnë gjatë vitit të ardhshëm.

Udhëtimi me veturë, në tunelin e La Manshit apo me traget, në BE dhe nga BE-ja do të mbetet e pandryshueshme deri në fund të këtij viti, por më pas qytetarët e Britanisë së Madhe sipas gjitha gjasave do të kenë nevojë për patentë shoferë internacionale si dhe dokumente tjera, varësisht për në cilin vend udhëtojnë.

Përves kësaj, shoferët duhet të pajisen me “kartonin e verdhë” tek kompanitë e tyre të sigurimeve. E ky problem mund të zgjidhet gjatë bisedimeve, kështu që është e mundur që BE nuk do të kërkoj një gjë të tillë nga britanikët.

Kartoni për sigurim shëndetësor, që garanton kujdesin shëndetësor pronarit të veturës, do të kërkohet edhe gjatë fazës kalimtare, por sigurisht se një gjë e tillë do të ndryshojë nga viti i ardhshëm.

Lexo po ashtu “Lamtumirë BE”, britanikët fillojnë të festojnë Brexitin

Megjithatë ekzistojnë shumë pak gjasa që Britania e Madhe të jetë pjesë e një sistemi të tillë, që do të thotë se qytetarët e saj do të duhen të paguajnë sigurimin shëndetësor me rastin e udhëtimin.

Sipas marrëveshjes së 2017, qytetarët e vendeve të BE-së nuk paguajnë roamingun kur janë në kuadër të vendeve të BE-së, gjë që një gjë e tillë do të mbetet e pandryshueshme, por nuk dihet do t’i kthehen ‘avazit’ të vjetër nga viti i ardhshëm.

Tani për tani britanikët këshillohen që të kontrollojnë kushtet me agjencitë para se të udhëtojnë me qëllim që më pas të mos kenë nevojë të paguajnë fatura të “kripura”. /Telegrafi/