Policia në Austri ka rrethuar hapësirën afër një sinagoge në kryeqytetin Vjenë, pas njoftimeve për të shtëna me armë.
Sipas mediave të fundit, përcjell Telegrafi, si pasojë e këtyre të shtënave tanimë ka disa të plagosur.
Disa pamje të postuara në mediat sociale treguan njerëzit duke u larguar ndërsa të shtënat mund të dëgjohen në sfond.
Ndërkohë një video e xhiruar nga një kalimtar dhe e postuar në internet tregon policinë e armatosur në një rrugë në Vjenë duke u bërtitur njerëzve që të largohen nga rruga e tyre.
Policia në Vjenë ka konfirmuar se po i përgjigjet një incidenti të madh në qendër të qytetit dhe u ka kërkuar njerëzve të qëndrojnë larg. /Telegrafi/
