Të premtën me biçikleta bllokohen rrugët e Prishtinës

Të premtën nga ora 17:00 do të bllokohen rrugët e Prishtinës nga çilklistët prej mbarë vendit në një organizim në formë proteste vetëdijësuese.

Ndryshe e quajtur xhiroja e muajit në rrugët e Prishtinës, qëllimi i këtij aktiviteti është që të ndërgjegjësohen shoferët dhe mbi të gjitha të shtohet dëshira e qytetarëve për biçikletë për një qytet më ekologjik.

Ky aktivitet organizohet nga Critical Mass që është një organizim spontan i çiklistëve e që zhvillohet në gjithë botën.

Çiklistët takohen në secilën të premte të fundit të muajit, pa ndonjë udhëheqës të grupit dhe pa dikë që kujdeset për mbarëvajtjen e aktivitetit.

Ky grup i çiklistëve bën xhiro nëpër gjithë kryeqytetin dhe feston e proteston për të drejtat e çiklistëve, që të kenë më shumë hapësira të dedikuara.

Gjithçka është gati që zilet të dëgjohen në kryeqytet, duke filluar nga sheshi “Ibrahim Rugova”. Prej aty, xhiroja përfundon në Bike Friendly Cafe.

https://www.instagram.com/p/BmsZRQmBFWG/?taken-by=supercyclists

Ky aktivitet është i mirë se ardhur në kohën e një katrahure të pa parë urbane, me mbi ngarkim të komunikacionit me vetura që përpos nuk lejojnë hapësira për çiklistë edhe konsiderohen ndotës të ambientit. /Telegrafi/