“Do të luaj teksa familja ime do të përballet me raketat ruse ditë e natë”, ylli ukrainas me mesazh të fortë para Euro 2024

Ylli ukrainas, Mykhailo Mudryk ka thënë se do të luajë në Euro 2024 duke e ditur se familja e tij përballet me raketa ruse “ditë e natë” në qytetin e tij të lindjes, Krasnograd..

Presidenti rus Vladimir Putin ka urdhëruar një pushtim të plotë të Ukrainës në shkurt të vitit 2022, ndërsa luftimet mes dy vendeve nuk kanë përfunduar ende.

Mudryk është një nga 13 lojtarët ukrainas që folën për vendlindjet e tyre të shkatërruara nga lufta në një video të prodhuar nga federata kombëtare e futbollit ukrainas.

Në video u shfaqën edhe mbrojtësi i majtë i Arsenalit, Oleksandr Zinchenko dhe mbrojtësi i Bournemouth, Ilya Zabarni.

Kështu bëri edhe sulmuesi i Dinamo Kyiv, Mykola Shaparenko, i cili tha se fshati i tij i fëmijërisë Velika Novosilka ishte “shkatërruar plotësisht nga Rusia”.

Skuadra e futbollit e Ukrainës do të luajë kundër Rumanisë në ndeshjen hapëse në Kampionatin Evropian të Gjermanisë të hënën.

“Që nga fillimi i luftës në shkallë të gjerë, qyteti im është bombarduar nga raketat ditë e natë”, ka thënë fillimisht Mudryk.

Ai shtoi se prindërit e tij mbeten në Krasnograd dhe “vazhdojnë të ndërtojnë jetën e tyre atje dhe besojnë gjithmonë në fitoren e Ukrainës”.

“Our cities would love to host the EUROs, but they are fighting for freedom!”

13 players from the Ukraine NT address the world before EUROs. Their hometowns have been affected by Russian aggression – they are either damaged or temporarily occupied. pic.twitter.com/TjhsR6h7OS

— Ukrainian Association of Football (@uafukraine) June 13, 2024

Qyteti Krasnograd – gjithashtu vendlindja e portierit të Real Madridit Andrii Lunin – ndodhet në rajonin Kharkiv të Ukrainës lindore.

Trupat ukrainase rifituan një pjesë të rajonit në një kundërofensivë në vitin 2022. /Telegrafi/