Të gjithë të veshur për të lënë përshtypje në dasmën e Sergio Ramos, ku nuk u ftua Cristiano Ronaldo

Në prezencë të familjarëve, miqve dhe shumë ish-bashkëlojtarëve e lojtarëve me të cilët luan aktualisht, Sergio Ramos e ka kurorëzuar me martesë lidhjen me prezantuesen televizive, Pilar Rubio.

Ceremonia martesore është zhvilluar në Katedralen e Sevillas, qytetin e lindjes së futbollistit të famshëm spanjoll.

Emra të njohur të futbollit, si David Beckham dhe bashkëshortja e tij, Victoria, i huazuari te Atletico Madridi, Alvaro Morata, trajneri i Real Madridit, Zinedine Zidane dhe ikonat braziliane, Ronaldo e Roberto Carlos, ishin të pranishëm në dasmë.

Mesfushori kroat i Realit, Luka Modric, ishte ndër emrat e shumtë në listën e të ftuarve, mirëpo aty mungoi Cristiano Ronaldo dhe partnerja e tij, Georgina Rodriguez, që nuk ishin ftuar në dasmë.

Lexo po ashtu Ramos fton në dasmë Piquen, Beckhamin dhe shumë kolegë - por jo edhe Ronaldon

Edhe pse kanë luajtur nëntë vite bashkë, Ramos nuk e ftoi superyllin portugez, pasi që i kishin prishur raportet kur 34-vjeçari vendosi të largohej nga Reali në verën e kaluar dhe iu bashkua Juventusit.

Rreth 500 mysafirë ishin ftuar në ceremoninë martesore të qendërmbrojtësit të Los Blancos, ndërsa Marco Asensio ka qenë ndër ata që kanë tërhequr vëmendjen me veshjen e tyre. /Telegrafi/