Roma ka zhvilluar ndeshjen e parë të Ligës së Evropës në Olimpico, ku ka mposhtur Helsinikin me rezultat 3-0.
Giallorosët janë fituesit në fuqi të Ligës së Konferencës dhe vetëm mbrëmë para fillimit të ndeshjes kanë marrë çmimet e vitit të kaluar.
Në fakt të gjitha çmimet, nga portieri më i mirë, te mbrojtësi, mesfushori, sulmuesi dhe lojtari i sezonit kanë shkuar për futbollistët e Romës.
Rui Patricio është zgjedhur portieri më i mirë, derisa Chris Smalling mbrojtësi më i mirë i sezonit.
Kapiteni i Romës, Lorenzo Pellegrini ka fituar dy çmimet, si mesfushori më i mirë dhe futbollisti i sezonit në Ligën e Konferencës.
Ndërkohë çmimi për sulmuesin më të mirë i ka takuar anglezit Tammy Abraham. /Telegrafi/
