Engjëllushet marrin më shumë ushqime se një njeri i zakonshëm.
E keni parasysh se mesatarisht, një njeri i rritur duhet të konsumojë 2.000 kalori në ditë për të mbajtur një peshë mesatare? Kur shikojmë modelet super të holla të Victoria’s Secret, na duket sikur nuk ka mundësi të konsumojnë më shumë se gjysmën e këtyre.
Por do të çuditeni nga sasia e kalorive që marrin ato çdo ditë. Dhe sa më shumë t’i afrohen sfilatës së madhe të përvitshme të Victoria’s Secret, aq më shumë u duhet të hanë. Sepse vërtet duken shumë të dobëta, por stërviten me ritmin e atletëve.
Ëngjëlli Taylor Hill tregoi se ajo konsumon 3.000 kalori në ditë.
“Nuk mund të dukesh në formë nëse nuk ha”, tha ajo për “Times”, “Ndryshe do të vdesësh.”
Dhe shpjegoi se regjimi i tyre i sportit është shumë intensiv, aq më shumë përpara sfilatës. Boks, vegla, balet; stërvitja e tyre kërkon shumë energji dhe shumë forcë.
Për këtë, ato këshillohen nga dietologët të marrin më shumë kalori se një njeri normal që nuk merret me sport.
“Vajzat e Victoria’s Secret janë si atlete. Jemi si sportistët e Lojërave Olimpike. Jemi të forta!”
Dhe kjo është e dukshme. Vetëm shikojini pak muskujt abdominalë të ëngjëllit Josephine Skriver.
