Taylor Swift shpallet femra e dekadës nga Billboard

Taylor Swift është fituesja e parë e çmimit ‘Femra e dekadës’ nga Billboard që do t’i ndahet këngëtares në saje të arritjeve të mëdha të saja, edhe atë në ditëlindjen e saj të 30-të.

Që nga viti 2010, ajo konsiderohet si një prej artisteve më të suksesshme, prandaj revista prestigjioze ka vendosur t’ia ndajë këtë çmim prestigjioz.

Në karrierën e saj janë shumë arritje profesionale duke i përfshirë edhe pesë albumet më të mira, sipas Billboard 200, pesë këngë në vend të parë në Billboard Hot 100, tri turne në gjithë botën, si edhe dy çmime vjetore të Billboardit si femra e vitit.

https://www.instagram.com/p/B58xdWFDciX/

Këngëtarja njëherësh është nderuar edhe për arritjet e saja në mbrojtjen e të drejtave kreative, edukimin muzikor, programet e ndryshme arsimore, ndihmën e saj ndaj institucioneve kërkimore për kancerin, dhënin e ndihmës gjatë katastrofave të ndryshëm, si edhe nisjen iniciativës Time’s Up.

Kujtojmë që albumin e parë Taylor e publikoi në moshën 16 vjeçare, ndërsa në moshën 20 vjeçare e publikoi albumin e dytë, “Fearless”, me të cilin e fitoi çmimin Grammy në vitin 2010. Albumi i saj më i ri, “Lover”, u publikua në gusht të këtij viti dhe e sjell këngëtaren në një version ndryshe. /Telegrafi/

https://www.instagram.com/p/B58ndH8Dxxd/

https://www.instagram.com/p/B58p_UBjd19/