Për muaj me radhë qeveria e Tanzanisë ka insistuar se vendi ishte pa ndonjë rast me COVID-19, kështu që nuk ka plane për vaksinimin.
Dickens Olewe i BBC ka folur me një familje që ishte duke mbajtur zi për vdekjen e një burri dhe babai, të dyshuar se kishin sëmundjen.
Dhe frika është se mes mohimit, ka shumë më tepër viktima të papranuara të këtij virusi tepër ngjitës, përcjell Telegrafi.
Një javë pasi Peter – jo emri i tij i vërtetë – mbërriti në shtëpi nga puna me një kollë të thatë dhe humbje të shijes, ai u dërgua në spital, ku vdiq brenda disa orësh.
Ai nuk ishte testuar për Covid-19.
Por më pas, sipas qeverisë së Tanzanisë, e cila nuk ka botuar të dhëna për coronavirusin për muaj me radhë, vendi është “pa Covid-19”.
Siç thuhet në shkrimin e BBC, ka pak testime dhe nuk ka plane për një program vaksinimi në vendin e Afrikës Lindore.
Kështu që është gati e pamundur të vlerësohet shkalla e vërtetë e virusit dhe vetëm një numër i vogël i njerëzve lejohen zyrtarisht të flasin për këtë çështje.
Deklaratat e fundit publike kanë lënë të kuptohet për një realitet tjetër në një kohë kur disa qytetarë, si gruaja e Peter, po qajnë në heshtje vdekjen e anëtarëve të familjes që dyshohet se kanë pasur virusin.
Disa familje të Tanzanisë kanë pasur përvoja të ngjashme, por kanë zgjedhur të mos flasin, duke pasur frikë nga ndëshkimi nga qeveria.
Ndërkohë Qeveria Britanike ka ndaluar të gjithë udhëtarët që vijnë nga Tanzania, ndërsa SHBA ka paralajmëruar qytetarët e saj që të mos shkojnë në këtë vend për shkak të coronavirusit.
“Mosmarrëveshja” për vaksinat
Që nga qershori i vitit të kaluar, kur presidenti John Magufuli deklaroi vendin “Pa Covid-19”, ai, së bashku me zyrtarë të tjerë të lartë të qeverisë, kanë tallur efikasitetin e maskave, dyshojnë nëse testimi funksionon dhe ka ngacmuar vendet fqinje të cilat kanë vendosur masa shëndetësore për frenim të virusit.
Z. Magufuli gjithashtu ka paralajmëruar – pa siguruar ndonjë provë – se vaksinat kundër Covid-19 mund të jenë të dëmshme dhe në vend të kësaj ka nxitur tanzaniasit që të përdorin inhalimin dhe ilaçet bimore, asnjëra prej të cilave nuk është miratuar nga Organizata Botërore e Shëndetësisë (OBSH) si trajtime.
“Nëse të bardhët ishin në gjendje të gjenin vaksinën për COVID-19, ata duhet të kishin gjetur një vaksinim për AIDS, kancer dhe TB deri tani”, ka thënë Magufuli.
Dhe sigurisht OBSH nuk pajtohet.
“Vaksinat funksionojnë dhe unë inkurajoj qeverinë [e Tanzanisë] të përgatitet për një fushatë vaksinimi kundër Covid-19”, tha Dr Matshidiso Moeti, drejtori i OBSH për Afrikën, duke shtuar se organizata ishte e gatshme të mbështeste vendin. /Telegrafi/
Lufta Prigozhin - Putin
Më shumëUkraina tërheq nga vijat e frontit tanket amerikane Abrams për shkak të kërcënimeve nga dronët rus
Zelensky paralajmëron për një "Çernobil të dytë"
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Franca dhe Gjermania nënshkruajnë marrëveshjen miliarda euroshe mbi një projekt armësh
Erdogan shtyn vizitën në Shtëpinë e Bardhë
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre