Komisioni ‘Ad-hoc’ për ndjekjen e raportimit të medias në Maqedoni, përgjatë periudhës kohore prej tre muajsh para zgjedhjeve, përveç katër anëtarëve (dy nga LSDM dhe dy nga OBRM-PDUKM), sot duhet të zyrtarizohet edhe anëtari i pestë nga partitë e lartëpërmendura, transmeton Telegrafi Maqedoni.
Kryetari i SHGM-së, Naser Selmani dje ka kritikuar kanditaturën e shqiptarëve në këtë komision. Selmani, dje për Telegrafi Maqedoni është përgjigjur se katër ”naçallnika” maqedon zgjedhin një ”naçallnik” shqiptar.
“Nëse është e vërtetë se në këtë konkurs janë paraqitur dhjetë gazetarë shqiptarë, kjo është turp për neve, njëherë si profesionist dhe si gazetarë por edhe si qytetarë e shqiptarë. Më kështu njerëz pa kurrizorë dhe njerëz partiak nuk mundet të ndërtohet as sistem, as nuk mund të garantohet një proces kredibil ose i besueshëm, sepse populli nuk u beson njerëzve që janë bisht i partive politike”, theksoi Naser Selmani, Kryetarë i SHGM-së.
Selmani më tej për Telegrafi Maqedoni thotë se kjo zgjedhje është në këtë formë ”Katër naçallnika maqedon zgjedhin një naçallnik shqiptar”.
Ndryshe nga nëntë kandidatët shqiptar për komisionin ad-hoc, Sefer Tahiri dhe Petrit Saraçini i janë përgjigjur akuzave të Naser Selmanit.
Sefer Tahiri, i kontaktuar nga Telegrafi Maqedoni, nuk deshti ta komentojë deklaratën e Selmanit me të vetmin qëllim për mos t’i kontribuar përçarjes në SHGM edhe pse ai thotë që personalisht nuk ësht pjesë e SHGM-së.
‘Nuk merrem me atë, nuk dua ta komentoj dhe këtu përfundon krejt ky muhabet. Ky është mandat tre mujor, i përkohshëm. Nuk dua të krijoj përçarje, kurse Naser Selmani i kontribuon përçarjes’, përfundon Tahiri.
Nga ana tjetër, Petrit Saraçini, kandidat për komisionin ‘ad-hoc’ i është përgjigjur ashpër akuzave të Selmanit, duke thënë se këto etiketime të pabaza u’a lë amatorëve si Naser Selmani.
‘Kritika është jorelevante dhe është motivuar prej bindjeve personale dhe jo prej analizave. Sa i përket’naçallnikit’ mos të harrojmë se cili ishte roli i Naser Selmanit në bisedimet me përfaqësuesit e pushtetit, të cilët, mes tjerash sollën gjendjen katastrofale lidhur me legjistraturën mediatike. Të etiketosh dikë pa fakte, pa argumente, duke qenë person i cili përfaqëson një shoqatë gazetarësh, është e papranueshme. Kjo vetëm e dëshmon kapacitetin personal të Naser Selmanit, i cili është një njeri që shpesh ndërron fjalët dhe i cili nuk punon me racio por me emocione. Herë ulet në negociata me pushtetin, herë ngrihet nga tavolina, herë thotë që ligjet që janë sjellë në bashkëpunim me pushtetin, ku ka marrë pjesë në negociata, herë thotë se janë të mira, herë thotë se janë të këqia. Është konsistent në qëndrimet e tia. Unë nuk hy aty për t’i përfaqësuar gazetarët për shkak se gazetarët kanë përfaqësuesit e tyre, shoqatën e gazetarëve, por unë hy aty për të përfaqësuar qytetarët kredon time gazetareske. Nëse hy. Ndërsa etiketimet e pabaza u’a lë amatorëve si Naser Selmani’, përfundon ndër të tjera Saraçini.
Iniciativa e reformave në media erdhën si shkas pas publikimit të aferave gjatë përgjimeve, gjatë muajit shkurt të vitit të kaluar, ku nga bisedat e përgjuara telefonike mes zyrtarëve dhe drejtuesve të mediave dëgjohen kurdisje të raportimeve dhe ndërhyrjes së politikës në pavarësinë e mediave. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Alarmi i Alicia Kearns për Ballkanin, politologët komentojnë deklaratën e deputetes britanike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit