A do ta fitojë Anxhela Peristeri “Këngën Magjike”? (Foto)

Sonte (e shtunë) do të mbahet nata finale e festivalit “Kënga Magjike 2017”.

Shumë artistë të njohur kanë marrë pjesë këtë vit në festivalin më të madh që organizohet në Shqipëri.

Prurjet muzikore këtë vit ishin të shumta, disa erdhën me synimin për në finale, e disa thjeshtë për të promovuar këngën, sido që të jetë, interpretuesit ishin të shumtë.

Gjithmonë te publiku me kureshtje pritet vendi i parë me pyetjen: kush është artisti që do ta fitojë atë?

Emrat favoritë kanë qenë të shumtë, megjithatë po të shohësh me vëmendje vetëm disa prej tyre janë spikatur si fituesit e mundshëm të edicionit të 19-të të “Këngës Magjike”.

Këngëtarja Anxhela Peristeri, e cila këtë vit u prezantua me këngën “E çmendur”, erdhi me synimin e qartë në edicionin e këtij viti: për të fituar, dhe këtë pretendim e kishte treguar edhe për “Prive”.

Në anën tjetër, po të shikosh me vëmendje Peristeri ka arritur të marrë shumë mbështetje edhe nga kolegët e saj, të cilët edhe pse sipas kontratës i mbajnë koifidenciale këngët e tyre favorite, kanë zbuluar paksa pëlqyeshmëritë.

Këtë e vërteton edhen një fletë votimi e publikuar vetëm para pak çastesh nga këngëtarja Rovena Stefa, e cila ka zbuluar se 30 pikët e saj maksimale ia ka dhuruar Anxhelës.

Megjithatë, rezultatet ende nuk dihen dhe mbetet të shihet në fund të natës.

Përveç Anxhelës, dy artistet tjera që gjithashtu lakohen si emrat pretendentë për të fituar këtë vit janë” Samanta Karavella dhe Elhaida Dani.

Aktualisht kampionia ende në fuqi mbetet këngëtarja Rozana Radi, e cila vitin e kaluar fitoi çmimin e parë me këngën “Ma thuaj ti”, ndërsa sonte do i dorëzojë kupën artistit fitues. /Telegrafi/