Me sytë nga vota e diasporës, Rama në kryesinë e PS: Identifikoni emigrantët brenda dhjetorit

Garancia e votës së diasporës për PS është detyra kryesore që kanë drejtuesit politikë, kryebashkiakët dhe koordinatorët nga numri 1 i selisë rozë për zgjedhjet parlamentare të 11 majit.

Për këtë arsye, Edi Rama zhvilloi një takim online me kryebashkiakët e majtë në prani të kryesisë, ku u kërkoi atyre që brenda 2-3 javëve të kenë mbyllur procesin e identifikimit të të gjithë shqiptarëve që jetojnë jashtë vendit.

Brenda këtij afati, socialistët do të duhet të regjistrojnë në databazat e PS edhe emigrantët që janë votues potencialë për mazhorancën. Efekte: Edhe pse u prezantua të shtunën në Dibër nga zv/kryeministrja si drejtues politik i qarkut, sekretari i Përgjithshëm Blendi Klosi mori zyrtarizimin nga kryesocialisti në mbledhjen e Kryesisë.

Qarku kishte mbetur bosh pas zhvendosjes së Blendi Gonxhes në zonën e Kombinatit në Tiranë për t’i ardhur në ndihmë trios politike Manastirliu, Spiroapli dhe Veliajt.

Përpos drejtuesve politikë, Rama ka menduar që në shumë qarqe të angazhojë ministra me zona të caktuara elektorale, duke u dhënë mundësinë që të jenë në listat e PS.

Ministri i Mbrojtjes Pirro Vëngu do t’i vijë në ndihmë Blendi Çuçit në qytetin e Vlorës. Efekte: Pas përfundimit të mbledhjes, anëtarët e kryesisë u larguan, duke lënë në godinë emrat më të rëndësishëm të kësaj force politike, që nga kryebashkiaku i Tiranës, i cili në dalje zgjodhi të shmangte mediat, duke përdorur derën e pasme të selisë. Gazetarët e shmangu edhe kryeministri Rama, ndonëse doli nga dera kryesore, por pa dëshirën për të marrë pyetje mbi aktualitetin politik.