Super Meriton Korenica – djaloshi i artë i Prishtinës që me golat e tij po e mban klubin në garë për titull  

Prishtina në verën e vitit të shkuar kishte arritur të nënshkruante me Meriton Korenicën, që ishte kapiten te Liria dhe pjesë e Kosovës U-21.

Në klubin më të madh në vend, pritshmëritë ishin të mëdha për djaloshin rahovecas.

Gol që në debutim kundër Europas së Gjibraltarit. Aty filloi historia e tij me fanellën bardhëekaltër.

Dhjetë gola deri më tani me Prishtinën, në të gjitha, garat (1 Liga e Evropës, 1 Kupë dhe 8 kampionat).

Ka kohë që një mesfushor i Prishtinës nuk i kishte arritur këto shifra.

Por ajo që ka rënë në sytë e futbolldashsëve është forma e mirë që po e kalon aktualisht lojtari.

Në dy ndeshjet e fundit shënoi katër herë, në çdo ndeshje nga dy.

Në fitoren kundër Flamurtarit e hapi dhe e mbylli ndeshjen, ku Prishtina fitoi 3-0.

Edhe në fundjavë kundër Ballkanit ai ishte ideator i fitores.

Dy gola, secili më i bukur se tjetër kishin bërë që Prishtina ta marr fitore, për ta shkrirë epërsinë e Feronikelit në tri pikë.

Korenica po e bën atë që është pritur dhe në momentin që po i duhet më se shumti Prishtinës, ai është kthyer në një lider të sulmit.

Mbetet të shihet me sa gola do ta mbyll sezonin, po aktualisht është ndër më të mirët./ Telegrafi/