Suning Group duan ta shesin Interin

Suning Group do të shiste me kënaqësi klubin italian, Interin, raporton gazeta Corriere della Sera, por askush nuk është gati të paguajë 600 milionë euro për Nerazzurrët.

Raporti midis gjigantëve kinezë Suning dhe Interit ka rënë gradualisht, pasi çështjet Financiare të Fair Play dhe dështimi për t’u kualifikuar për në Evropë i panë ata të shtrëngonin kuletën e tyre.

Gjatë të mërkurës, koordinatori teknik, Walter Sabatini, ndërpreu kontratën e tij me pëlqimin e ndërsjellë vetëm disa orë pasi Fabio Capello u largua si trajner i klubit të tyre tjetër në pronësi, Jiangsu Suning.

Lexo po ashtu Zyrtare: Sabatini largohet nga Interi

Sipas Corriere della Sera, shefat e Suning Group do të shesin Interin dhe do të kalojnë në projekte të tjera.

Por, gazeta italiane raporton gjithashtu se do të jetë jashtëzakonisht e vështirë të gjesh dikë që është gati të paguajë 600 milionë euro për blerjen e klubit.

Konglomerati kinez bleu klubin në qershor të vitit 2016, duke zotëruar 68.55 për qind të aksioneve, ndërsa Erick Thohir mbetet president me 31.05 për qind.

Lexo po ashtu Tifozët kinez protestojnë para selisë së Suning

Megjithatë, që nga shitja e klubit nga Massimo Moratti, si Thohir ashtu edhe familja Zhang kanë pasur vështirësi në menaxhimin e klubit, kjo edhe shkaku i borxheve të mëparshme.

Një shitje ose jo e klubit nga pronarët kinezë do të jetë definitive në muajt e verës pasi atëherë do të dihet sigurt nëse Interi do të kualifikohet për në Ligën e Kampionëve, pasi një kualifikim do t’i rriste të ardhurat në klub. /Telegrafi/