Një stuhi e fuqishme goditi ishujt grekë të Paros dhe Mykonos të hënën, duke shkaktuar përmbytje dhe duke nxitur autoritetet të mbyllin shkollat dhe të vendosin një ndalim për të gjithë trafikun, përveç automjeteve të urgjencës.
Reshjet e dendura në qytetet kryesore të Parosit, Parikia dhe Naousa – të dyja vende të njohura pushimi – shkaktuan përmbytje nëpër rrugë, duke “bartur” makina dhe mbeturina pranë ndërtesave.
Autoritetet në Paros thanë se 13 personat e bllokuar në stuhi u dërguan nga zjarrfikësit në shtëpitë e tyre, duke shtuar se nuk u raportua për të lënduar apo të zhdukur, përcjell Telegrafi.
Në Mykonos, ku përmbytjet ishin më pak intensive, ekskavatorët u përdorën për të pastruar një shteg për ujin e përmbytjes dhe ai kaloi pranë kafeneve dhe restoranteve buzë detit.
Autoritetet urdhëruan shkollat në Paros, Mykonos dhe dy ishuj të tjerë të Detit Egje të qëndrojnë të mbyllura të martën, ndërsa shërbimi i mbrojtjes civile dërgoi alarme në celular duke udhëzuar banorët të qëndrojnë brenda.
Ekuipazhet bashkiake dhe kontraktorët privatë punuan për të pastruar rrugët e bllokuara nga gurët e rënë, ndërsa shërbimet e urgjencës shpëtuan shoferët e bllokuar.
Disa ishuj pranë Paros, në grupin Cyclades, i cili është në juglindje të kontinentit në Detin Egje, mbeten nën paralajmërimet e motit të ashpër.
Shërbimi Meteorologjik Kombëtar ka publikuar parashikimet e përditësuara për reshje të dendura shiu dhe stuhi, që pritet të vazhdojnë deri në mëngjesin e së mërkurës, duke prekur ishujt Jon, rajonet kontinentale.
Banorëve në zonat e prekura iu kërkua të qëndrojnë vigjilentë dhe të ndjekin udhëzimet zyrtare të sigurisë në mes të stuhisë. /Telegrafi/
