Stili i fshehur luksoz i Gwyneth Paltrow dominon edhe në sallën e gjyqit

Minimalizmi dhe “paratë e vjetra”

Bizhuteritë prej floriri janë e vetmja gjë që tek ajo bie në sy, si për nga përmasat, ashtu edhe për nga numri i pjesëve që bart çdo ditë.

Fituesja e çmimit Oscar, Gwyneth Paltrow, u paraqit në gjykatë në Utah javën e kaluar për një incident në një vend të sportit me ski në vitin 2016.

Fotot e Paltrow e ulur pranë avokatëve të saj, e veshur me një pulovër ngjyrë kremi të thjeshtë me thurje, u bënë shpejt virale, transmeton Telegrafi.

Duket se bëhet fjalë për triko prej kashmiri të aktores me jakë të madhe nga marka luksoze italiane “Loro Piana”, me vlerë prej 1.500 eurosh.

Në ditën e dytë të gjykimit të saj, Paltrow u fotografua me një tjetër triko ngjyrë kremi, këtë herë nga marka e saj, “G Label by Goop”, e cila shitet për pak më shumë se 500 euro.

Më pas ajo u shfaq me një pallto leshi ngjyrë ulliri të markës amerikane “The Row” (pothuajse 4500 euro) dhe çizme të zeza “Prada” me thembra të mëdha (rreth 1300 euro).

Gwyneth ka veshur pallton jeshile ulliri në tre kombinime dhe me të ka kombinuar çizme masive të zeza dhe kafe, pantallona kafe dhe gri, por edhe copa të thurura të bardha.

Shikoni fotot:

/Telegrafi/