Spalletti: Kritikat e mia i bënë mirë lojtarëve, luajtëm si ekip dhe merituam fitoren

Luciano Spalletti ka lënë të kuptohet se kritika e tij e ashpër ndaj Interit, javën e kaluar, ishte nxiste për këtë reagim, pasi ata mposhtën Sampdorian me rezultat të thellë 5-0.

Nerazzurrët treguan fytyrën e fillim sezonit në udhëtimin e tyre në Marassi, ku fituan me rezultat të thellë falë katër golave të Mauro Icardit dhe një tjetër të Ivan Perisicit dhe ky reagim i skuadrës i ka pëlqyer trajnerit Spalletti.

“Qëllimi i fjalëve të mia ishte të nxitnin lojtarët të bënin diçka më shumë dhe t’u jepnin atyre forcën që unë besoj se e kanë”, ka thënë fillimisht Spalletti për Mediaset Premium.

Lexo po ashtu Interi shkatërron Sampdorian në udhëtim, Icardi shënon katër gola

“Unë nuk e di se çfarë garanton fitoren, por unë e di se çfarë garanton humbjen dhe kjo është duke i komplementuar lojtarët pavarësisht se çfarë bëjnë ata”.

“Më pëlqeu mënyra se si ekipi e interpretoi ndeshjen sot kundër një kundërshtari të vështirë, të cilët e lëviznin topin shpejt dhe treguan cilësinë e tyre në disa momente”.

“Ne nuk lejuam Sampdorian asgjë sot dhe grupi ka punuar mirë. Ne luajtëm si ekip dhe donim fitoren me çdo kusht”.

Lexo po ashtu Sampdoria 0-5 Inter, notat e lojtarëve

“Dëshpërimi i tifozëve për Scudetto? Nuk ka asnjë pikë që të vjen keq për atë që tashmë ka ndodhur, pasi kemi humbur shumë kohë. Është më mirë të përqendroheni në ndeshjen e ardhshme dhe të luajmë kështu”.

“Ne e dinim se kur duhet të presim dhe kur të sulmojmë mbi kundërshtarët tanë dhe kjo na bëri të vuajmë më pak sesa në rrethana të tjera. Plus sot çdo top që e gjeti rrugën në zonë u shoqërua me atë fat të mirë që vjen nga entuziazmi”, përfundoi trajneri i Interit. /Telegrafi/