Sot fillon ‘Prishtina Max Fest 2023’

Ka filluar të mbahet edicionin i tretë i Prishtina Max Fest 2023, me shumë festa, spektakle, panaire dhe oferta të ndryshme për të gjitha grupmoshat i organizuar nën mbikëqyrjen e Max Travel.

Nga sot e deri më 9 maj në sheshin më të ri “George Bush” në Prishtinë, do të ketë shumë gjëra për të bërë që percjellin argetim dhe emocion tek ju, me shumë aktivitete për fëmijë, supriza, mega koncerte me superyjet dhe mbi 50 përfaqësues të hoteleve nga Turqia, Dubai dhe Egjipti për të informuar qytetarët e Kosovës nga afër për gjithçka rreth hoteleve dhe sezonit veror 2023.

Festivali më i madhë jo komercial në Kosovë do të jetë i hapur për 3 ditë me radhë duke filluar nga ora 10:00-23:00 në sheshin George Bush në Prishtinë.

Sot në Prishtina Max Fest, fëmijët po i pret një super program i plotë nga mëngjesi në sheshin George Bush, ku do të mund të argëtohen me palaqon, maskotat e ndryshme, të bëjnë ngjyrosjen e fytyrës dhe duke vazhduar më pas me vallëzime dhe koncert posaçërisht për ta dhe shumë lojëra dhe aktivitete të tjera. Në anën tjeter qytetarët po informohen vazhdimisht nga përfaqesuesit e hoteleve dhe stafi i Max Travel në lidhje me hotelet, për të bërë rezervimet e pushimeve. Në fund, kjo ditë do të përmbylllet me një Mega Koncert FALAS në po të njëjtin vend nga ora 19:00 ku për të gjithë qytetarët do të performojnë DJ, Bardhi, Elvana Gjata dhe shumë surpriza të tjera të përgaditura enkas për ju.

Perveq 7 majit, juve ju presin edhe dy ditë të tjera 8 dhe 9 maj me shumë aktivitete për të gjitha grupmoshat. Panairi më i madhë i turizmit në Kosovë, Prishtina Max Fest do të vazhdojë edhe në ditën e dytë në sheshin George Bush, i cili do vazhdojë të informojë të gjithë qytetaret për destinacionet dhe hotelet më të njohura në Turqi, Dubai dhe Egjipt. Ndërsa pasditja i kushtohet përfaqësuesve të hoteleve, agjentave dhe përfaqesues të aviokompanive në një darkë speciale me dyer te mbylllura, ku prezent në këtë darkë do të jenë edhe shumë personazhe nga instancat e larta shtetrore. Mbrëmja do të kulmoj në sheshin George Bush në Prishtinë me një Mega Koncert FALAS për të gjithë ku përveq surprizave të shumta, për qytetarët do të performojnë DJ, Offchestra, Melinda dhe Cozman.

Duhet theksuar se edhe gjatë ditës së tretë të gjithë të interesuarit mund të jenë pjesë e panairit të hoteleve gjatë gjithë ditës, e në të njëjtën kohë me rastin e shënimit të ditës së Tokës, Max Travel së bashku me organizaten TOKA, ka përgaditur shume lojra, dhurata, sfida e aktivitete të ndryshme për fëmijët, ku të gjithë fëmijët do të kenë mundësinë edhe të ngjyrosin banerin unik “THE WORLD IS YOURS TO EXPLORE” të përgaditur enkas për ta.

E i gjithë ky festival madhështor do të perfundojë natën e 9 Majit me një super koncert nga ora 19:30 FALAS për publikun në sheshin George Bush, ku për të gjithë të pranishmit do të performojnë: Sabri Fejzullahu, Pint Lyrical Son & Mc Kresha, Shemi dhe Ilirët edhe shumë surpriza të tjera gjatë mbrëmjes.

Bëhuni pjesë e Prishtina Max Fest 2023 nga data 7,8 dhe 9 Maj sepse Max Travel nuk do t’ju kursej nga surprizat e tjera të përgatitura për ju.