Sondazhi i Pyper: Rreth 60% e qytetarëve shprehen se do ta votojnë të njëjtën parti që kanë votuar në zgjedhjet e fundit

Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh është marrë perceptimi i qytetarëve pas vendimit të Gjykatës Kushtetuese për ta dërguar vendin në zgjedhje.

68% e qytetarëve që kanë marrë pjesë në sondazh ndjehen shumë mirë pas vendimit të Gjykatës Kushtetuese për të rrëzuar Qeverinë Hoti. 16% ndjehen mirë, 8% jo mirë, derisa 6% e qytetareve ndjehen aspak mirë pas këtij vendimi.

80% e qytetarëve shprehen se do të dalin në zgjedhjet parlamentare që do të mbahen së shpejti.

Rreth 9% të qytetarëve janë shprehur se nuk do të marrin pjesë në zgjedhje, derisa akoma nuk janë të sigurt 11%.

Më shumë qytetarë [39%] preferojnë që aktivitet elektorale  t’i ndjekin përmes TV-së, derisa pasojnë rrjetet sociale me rreth 22%.

Rreth 60% e qytetarëve të anketuar do ta votojnë partinë që kanë votuar në zgjedhjet e fundit. 18% do ta votojnë një parti tjetër. 16% nuk janë të sigurt se cilën parti do ta votojnë, derisa për herë të parë do të votojnë rreth 6% e respodentëve.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.