Sondazhi nga Pyper: 59% e qytetarëve mendojnë se PDK-ja do të pësonte nëse bëhet pjesë e koalicionit qeverisës

Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh qytetarët janë pyetur për pozicionin e PDK-së në situatën aktuale politike në Kosovë.

62% nuk do të kishin perceptim të mirë për PDK-në nëse kjo e fundit do të bëhej pjesë e qeverisë së Avdullah Hotit. 12% do të mendonin mirë për PDK-në nëse ajo futet në qeveri, derisa 26% janë neutral në këtë çështje.

Shumica e qytetarëve (59%) mendojnë se PDK do të pësonte nëse do t’i bashkohej koalicionit qeverisës, derisa 41% mendojnë se ajo do të përfitonte nëse i bashkohet qeverisë.

50% e qytetarëve do të kishin perceptim të mitë për PDK-në nëse do të votonte rrëzimin e qeverisë, 17% nuk do të kishin perceptim të mirë nëse ajo e voton rrëzimin e qeverisë, derisa 33% perceptim as të mirë e as të keq nëse PDK merr atë hap.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.