Trajneri i Manchester Unitedit, Ole Gunnar Solskjaer e ka konfirmuar se mesfushori spanjoll, Ander Herrera, me shumë gjasë do të largohet pas përfundimit të sezonit.
Herrera do të mbetet jashtë kontratës këtë verë dhe largimi i tij është i pashmangshëm, ndërsa është lidhur me një lëvizje te Paris Saint-Germain.
Solskjaer pranoi se nuk është i sigurt se cila është e ardhmja e spanjollit edhe pse me shumë mundësi do të largohet.
Trajneri i Unitedit këto deklarata i bëri në konferencë shtypi kur u pyet nëse ai do të shfaqet në ndeshjen e fundit të sezonit kundër Cardiffit.
"Ai mund të luajë, nuk e di ende. Nuk kemi zgjedhur ende ekipin".
"Ai ndoshta do të njoftojë më vonë largimit dhe ku do të vazhdojë të luajë futbollin e tij", ka thënë Solskjaer. /Telegrafi/
