Skuadrat e mëdha italiane pas Trincaos, por Barça dëshiron vetëm huazimin e tij

Sulmuesi portugez, Francisco Trincao mund të largohet në verë nga Barcelona, por vetëm si huazim.

Skuadrat e mëdha italiane, Juventus, Milan dhe Roma kanë shprehur interesim për transferimin e anësorit, por nuk kanë gjetur mirëkuptimin e Barcelonës.

Gjiganti katalunas është gati ta lejoj largimin e lojtarit, por vetëm si huazim një vjeçar.

21-vjeçari po zhvillon sezonin e tij të parë te Barcelona, por pa arritur të fitojë një vend titullari.

Reprezentuesi portugez ka zhvilluar 39 ndeshje, kryesisht i inkuadruar nga banka rezervë, teksa ka shënuar tre gola e ka bërë dy asistime.

Gjithsesi transferimi i tij në Serie A mund të ndodh, por vetëm si huazim.

Kampioni në fuqi i Italisë, Juventusi dëshiron blerjen përfundimtare të tij dhe nuk e do si huazim, derisa Roma dhe Milani mund të pranojnë edhe huazimin një vjeçar të tij.

Në Camp Nou besojnë shumë në aftësitë e lojtarit, por duan ta huazojnë në mënyrë që të luaj më shumë dhe të rikthehet pas një viti për të qenë i rëndësishëm te Barça.

Kujtojmë që Barcelona pagoi 31 milionë euro për transferimin e Trincaos në verën e vitit 2020 nga Sporting Braga. /Telegrafi/