Skriniar: Dua të jem Hamsiku i Interit duke qënduar 15 vite këtu, por dua të fitoj trofe

Milan Skriniar ka shprehur dëshirën që të jetë një Marek Hamsik i Interit, por pranoi se të gjithë lojtarët, duan të fitojnë diçka.

Hamsik i kaloi 12 vjet në Napoli përpara se të bashkohej me Dalian Yifang dhe Skriniar shpreson ta imitojë shokun e tij te Sllovakia në Inter.

“Ashtu si të gjithë lojtarët dua të fitoj diçka. Kjo për shkak se lojtarët kujtohen për atë që kanë fituar. Për shumë lojtarë, ëndrra është që ta fitojnë në Ligën e Kampionëve”.

“E njëjta gjë vlen edhe për mua, por unë duhet të filloj ngadalë sepse nuk kam fituar akoma, prandaj duhet të filloj duke fituar diçka”.

Lexo po ashtu Interi mendon ta blindojë Skriniarin, pritet rinovimi

“Natyrisht, fitimi i Ligës së Kampionëve me Interin do të ishte edhe më e mira”.

“Hamsik luajti në Napoli për 12 vjet. Nëse e bëj këtë me Interin, atëherë me siguri do të jem i lumtur”.

“E ardhmja? Nuk kam frikë të largohem. Edhe nëse qëndroj këtu për 15 vjet do të jem i lumtur sepse Interi është një klub i madh”.

“Unë kam një marrëdhënie të shkëlqyeshme me tifozët e Interit. Ndoshta nuk ishte e tillë në fillim, sepse kur Interi më bleu, nuk isha i njohur si lojtar apo ndoshta ishte për shkak të emrit tim”, ka thënë ai duke aluduar te Milan. /Telegrafi/