“7 QIEJT”, simboli i Pavarësisë “NEWBORN” me ngjyra dhe mesazh të ri

Simboli i Pavarësisë së Kosovës “NEWBORN” i vendosur para Pallatit të Rinisë dhe Sporteve, në ditën e shpalljes së pavarësisë, edhe në 17 shkurtin e sivjetmë do të ketë ngjyra dhe mesazh të ri. “7 QIEJT” është mesazhi për 16-vjetorin e Pavarësisë.

Pasi ky simbol ka marr pamje të re, autori i “NEWBORN”, Fisnik Ismaili, në një postim në Facebook, ka shkruar, se “Dikur qielli i rrethuar me gjemba, më në fund u hap. Shijone!”, transmeton Telegrafi.

Ndërsa, në një postim në faqen “Newborn Monument”, derisa po finalizohej pamja e re e simbolit të shpalljes së Kosovës shtet, shkruante:

“A mundemi ne, aspirantët, besimtarët, shpirtrat e fortë të Kosovës, të fluturojmë mbi kufizimet e historisë sonë? A mund të fluturojmë nëpër ‘7 Qiej’, secila shtresë duke dhënë prova për vendosmërinë tonë të fortë dhe luftën e palodhur për liri?

Ndërsa shikojmë NEWBORN-in, le të pyesim veten: Sa lart mund të na çojnë ëndrrat tona? Sa larg mund të na çojnë aspiratat tona? Përgjigja jehon në zemrat tona dhe rezonon nëpër tokën tonë: Po, ne mund të fluturojmë”, shkruan në faqen “Newborn Monument”.

Ndryshe, në kozmologjinë fetare ose mitologjike, shtatë qiejt u referohen shtatë niveleve ose ndarjeve të Qiejve (Qiellit). Koncepti, i gjetur gjithashtu në fetë e lashta Mesopotamiane, mund të gjendet në Judaizëm dhe Islam; një koncept i ngjashëm gjendet gjithashtu në disa fe fetare indiane siç është Hinduizmi. /Telegrafi/