Si përfundoi e transformuar mjerisht Maria Shriver, ish-gruaja e Schwarzeneggerit të cilën ai e tradhtoi me shërbëtoren

Fotografitë tronditëse zbuluan të premten se ish-zonja e parë e Kalifornisë, Maria Shriver, duket e panjohur teksa vizitonte shtëpinë e saj të re në Santa Monica.

Gazetarja dhe ish-bashkëshortja e Arnold Schwarzeneggerit ka bërë një transformim drastik ndër vite, shkruan The Sun.

Maria Shriver, 66 vjeçe, lindi në Chicago, Illinois në një familje që “u detyrua të shërbente”, thuhet sipas faqes së saj të internetit.

Babai i saj ishte Robert Sargent Shriver, drejtori themelues i Korpusit të Paqes, ndërsa nëna e saj, Eunice Kennedy Shriver, filloi Olimpiadën Speciale.

Shriver u ndikua gjithashtu nga xhaxhai i saj, ish-presidenti John F. Kennedy, dhe xhaxhallarët e saj Bobby dhe Teddy Kennedy, të cilët shërbyen në Senatin e ShBA-së.

“Unë kam qenë gjithmonë e rrethuar nga njerëz të jashtëzakonshëm që bëjnë gjëra të jashtëzakonshme. Ndonjëherë ka qenë sfiduese. Por më shpesh ka qenë motivuese”, shkruan Shriver në faqen e saj të internetit.

Ajo u diplomua në Universitetin Georgetown në vitin 1977 dhe u bë personi i parë në familjen e saj që ndoqi gazetarinë mes traditës së hyrjes në politikë.

Gjatë gjithë karrierës së saj, ajo u përpoq të bënte një ndryshim dhe përfundimisht fitoi një çmim “Peabody” për raportimin e saj të vitit 1998 mbi reformën e mirëqenies.

Ajo ka intervistuar një gamë të gjerë njerëzish, duke nisur nga: Fidel Castro, te Ted Turner, Sarah Ferguson dhe Magic Johnson, por Shriver i tha Oprah Winfreyt në vitin 2008 se duhej të punonte dy herë më shumë për të fituar gjithçka që kishte.

“Isha gjithmonë e vetëdijshme se njerëzit do të mendonin se e mora punën sepse isha Kennedy dhe se nuk do të isha një nga ekipi”, tha Shriver. “Më duhej të provoja veten në çdo moment. Kam punuar shumë”, shtoi ajo.

Periudha martesore e Arnold dhe Marias

Maria dhe ylli i filmave, Arnold Schwarzenegger, u martuan në vitin 1986.

Ata u takuan në turneun e tenisit ‘Robert F Kennedy’ në vitin 1977 dhe filluan të takoheshin menjëherë pas kësaj.

Çifti pati fëmijën e tyre të parë, Katherine, në dhjetor të vitit 1989.

Ata mirëpritën në jetë vajzën e tyre të dytë, Christina, në korrik të vitit 1991 përpara se të kishin djalin Patrick në shtator në vitin 1993 dhe Christopher në shtator të vitit 1997.

Katherine tani është e martuar me yllin e filmave Marvel, Chris Pratt.

Mjerisht, martesa e tyre e frytshme mori fund në vitin 2011.

Shriver bëri kërkesë për divorc pasi zbuloi se Schwarzenegger kishte një lidhje me shërbëtoren e tij, Mildred Baena, në vitin 1996. Lidhja rezultoi në lindjen e Joseph Baenas.

Shriver dyshoi se Schwarzenegger ishte babai i fëmijës së Baenas dhe u përball me të në një seancë terapie, ku ai pranoi lidhjen jashtëmartesore.

Divorci i keq nuk u finalizua për gati një dekadë.

Në dhjetor të vitit 2021, çifti më në fund arriti në një marrëveshje dhe ranë dakord të ndajnë në mënyrë të barabartë 400 milionë dollarët e tyre, raportoi tabloidi Page Six. /Telegrafi/