Si kurdiset një ndeshje futbolli: Çelësi janë kapiteni, mbrojtësi qendror dhe portieri

Një kapiten, një mbrojtës qendre dhe portieri janë lojtarët të cilët janë zakonisht personat që kontaktohen për ta kurdisur një ndeshje futbolli.

Ndërmjetësit që kontaktojnë pjesëtarët e klubit mund të jenë lojtarë që sapo kanë dalë në pension, ose që janë shumë pranë pensionimit.

Ata kanë kontaktet e duhura që ta bëjnë këtë detyrë.

Lexo po ashtu Aksion i madh policor në Spanjë: Arrestohen futbollistë e president klubesh për kurdisje të ndeshjeve

Pagesa është e ndarë në dy pjesë, në të parën paguhet me para në dorë në prag të ndeshjes dhe e dyta pas ndeshjes, nëse arrihet rezultati i dëshiruar.

Si kurdiset ndeshja

Oficer i integritetit të La Ligas, Inaki Arbea , ka shpjeguar për MARCA procesit që Federata Spanjolle e Futbollit [RFEF] ndjek për të kapur dhe rrëzuar kurdisjet e ndeshjeve.

“Hapi i parë është parandalimi, pasi kemi vizituar të gjitha dhomat e zhveshjes së La Liga, La Liga 1 | 2 | 3 , Liga Iberdrola dhe Liga Nacional de Futbol Sala”.

“Mbajmë seminare ku shpjegojmë se çfarë është e ndaluar të bëhet dhe japim instruksione bazike se si të sillesh në situata të tilla, dhe funksionon shumë mirë”, thotë Arbea.

Ndeshjet që mund të kurdisen

Nuk është e pazakonshme dhe ka tendencë të ndodhë edhe në ndeshjet kur ekipet kanë nevojë të fitojnë për tu ngjitur, ose shmangur uljen, ose për të arritur në garat evropiane për sezonin e ardhshëm.

Është më e lehtë për tu zbuluar nga analistët e La Liga , pasi marrin dhe vlerësojnë informacionet që kanë, kontrollojnë provat dhe paraqesin ankesë në polici.

Ka pasur disa raste ku kurdisja e ndeshjesh ishte parandaluar para se të ndodhte.

Bastet e ndeshjes: alarmi TYCHE nga 0 në 5

Gjithashtu përdoret edhe sistemi kompjuterik TYCHE, që monitoron bastet që vendosen për ndeshjet.

Lexo po ashtu Tre nga dhjetë të arrestuarit në operacionin ‘Oikos’ për kurdisje të ndeshjeve kanë qenë pjesë e Real Madridit

Nëse TYCHE vëren baste të pazakonte në një ndeshje të caktuar, siç ndodhi te sfida e Huescas me Gimnastic de Tarragona, atëherë informacioni merret dhe i dërgohet policisë.

Nëntë persona janë arrestuar të martën nga policia spanjolle për përfshirjen e tyre në kurdisje ndeshjesh. /Telegrafi/