Si e shohin meshkujt dhe femrat një trup të përsosur?

Kur bëhet fjalë për trup të përsosur, meshkujt dhe femrat kanë pika fillestare të ndryshme. Femrat preferojnë një trup më të” shtrënguar” dhe më të ngushtë, ndërsa meshkujt më shumë preferojnë një trup me “linja” të theksuara.

Studimi më i fundit i kryer nga revista “Men’s Health” dhe “Woman’s Health”, tregoi se meshkujt dhe femrat në mënyrë krejtësisht të ndryshme e shohin një femër të përsosur, por edhe trupin e një mashkulli.

Në këtë studim kanë marrë pjesë mijëra femra dhe meshkuj dhe janë përgjigjur në pyetjen se çfarë është për ta një trup seksi.

Përderisa femrat u përgjigjen se trupi i aktores Cameron Diaz është më vital dhe i “shtrënguar”, meshkujt kanë thënë se modelja Kate Upton është shembull i vërtetë i një trupi të përsosur femëror.

Kur është fjala për trupin e përsosur të një mashkulli, meshkujt kanë thënë se me trup të përsosur mund të jetë i famshmi Wolverine, aktori Hugh Jackman, ndërsa më shumë se gjysma e femrave thanë se idoli i tyre është burri i Eva Mendesit, aktori Ryan Gosling, transmeton Koha.net.

Ky studim përfshiu edhe disa kërkime tjera dhe më shumë se gjysma e meshkujve dhe femrave kanë pranuar se për ta tatuazhet janë shumë seksi dhe tërheqëse. /Telegrafi/