Lajme Maqedonia e Veriut

‘Më shumë probleme sesa turistë, bora i ka ‘befasuar’ qendrat turistike në Maqedoni’

Skijatorët nga Maqedonia më së shumti duan të udhëtojnë në Bullgari sesa të qëndrojnë në qendrat vendore turistike-dimërore. Në agjencitë turistike thonë se ka shumë rezervime, veçanërisht për në Bansko, por edhe qytetarët shpesh vetë rezervojnë hotele përmes faqeve në internet, përcjell Telegrafi Maqedoni.

Njohësit e gjendjes të zonave turistike shpjegojnës se shumë vite, hotelet, por edhe institucionet kanë ‘punuar’ në atë që qendrat dimërore në Maqedoni në vend që të zhvillohen, por të humbet imazhi i saj i dikurshëm.

Rrugë të pakalueshme, përmbajte të dobëta për argëtim, pak restorante në afërsi dhe çmime të larta, janë pjesë nga ‘oferta’ që marrin qytetarët e Maqedonisë, por edhe mysafirë nga shtetet e huaja, e kanë të vështirë për të qëndruar në Kodrën e Diellit, Bistër dhe Molika.

Në Mavrovë, siç thonë hotelierët, përsëri ekziston shpresë për atë se mysafirë nga vendi përsëri kthehen në këtë qendër turistike, por siç thotë pronari i hotelit ‘Alpina’ në Mavrovë se vijnë turistë nga Kosova dhe Shqipëria por problemi më i madh në Mavrovë është se nuk janë pastruar rrugët. Ai sqaron se hotelet në Mavrovë, në kushte të këtilla shumë të vështirë e kanë që të sigurojnë ushqim për mysafirët dhe të mbajnë funksionimin e hoteleve, ashtu siç duhet.

Nga ana tjetër hotelierët dhe tregtarët e Kodrës së Diellit, thonë se vetëm nga fundjavat nuk mund të mbijetohet dhe të zhvillohet kjo qendër turistike dhe nëse analizohet plotësisht sezona, ky është edhe një vit i dështuar për Kodrën e Diellit.

Shaip Shahini, i cili ka biznes privat në Kodrën e Diellit, në një deklaratë për TV 21 thotë se çdo vit numri i mysafirëve është më i vogël dhe se ai frikësohet për ekzistencën e saj.

Analisti ekonomik Izet Zekiri për TV 21 vlerëspm se politikat e Qeverisë në lidhje me këto qendra turistike janë të këqia dhe se është lënë pas dore një nga potencialet më të mëdha ekonomike, si për Tetovën, ashtu edhe për Maqedoninë në përgjithësi.

Kodra e Diellit ka 15 lifte skijimi, dy kabllo kabina, pesë ski lifte. Deri në vitin 2001, deri në Kodrën e Dielli mund të arriheshte me teleferik drejtpërdrejtë nga Tetova, por prej atëherë ajo nuk është në përdorim. Ky teleferik ishte ndërtuar në vitin 1969.

Gjendja është e njëjtë edhe me qendrën e skijimit në Galiçicë ku ka tre ski liftë dhe një teleferik, por ata nuk punojnë tashmë 20 vite.

Në vend të banesave, hoteleve, kabllove, komplekse sipas standardeve evropiane, Mali Kozhuf po falimenton.

Ky është fati i Ski Qendrës turistike në Maqedoni që realisht duhet të jetë krenari e vërtetë për vendin në një mostër të atyreve si në Bullgari. Por kjo nuk ndodhi.

Në Gjykatën Themelore në Veles është hapur procedurë e falimentimit për kompaninë që i ishte caktuar ndërtimi i Qendrës së skijimit turistik më të madh në malin Kozhuf në Maqedoninë jugore, ku do të vijojë procedurë e vlerësimit për falimentimin e pasurisë turistike Kozhuf.

Kjo Qendër skijimi ka filluar të ndërtohet 16 vjet më parë, dhe në vitin 2006 filloi skijimi. Janë investuar rreth 20 milionë euro.

Pronarët alarmojnë mediat se ka probleme me ndërtimin e rrugës në Kavadar dhe Demir Kapi. Kjo rrugë kurrë nuk është ndërtuar dhe filloi humbja e turistëve, pasi turistët nuk ishin në gjendje të hyjnë në këtë hapësira të bukura.