“Me shumë dashuri nga Prishtina”, babai i Rita Orës ia uron ditëlindjen e 31-të të bijës me fotografi të vjetra të familjes në Kosovë

Këngëtarja shqiptare me famë botërore, Rita Ora, feston sot (e premte) ditëlindjen e saj të 31-të.

Me këtë rast ajo ka marrë urime të shumta nga miqtë, kolegët dhe familjarët e saj.

Babai i këngëtares, Besniku, i cili këto ditë ndodhet në Kosovë, ka shfrytëzuar rastin që t’i urojë të bijës 31-vjetorin e lindjes përmes rrjeteve sociale.

Ai ka publikuar në llogarinë e tij zyrtare në Instagram disa fotografi, njëra prej të cilave përfshin qëndrimin e saj mbi obeliskun NEWBORN në Prishtinë, në vitin 2012 kur edhe xhiroi klipin “Shine Ya Light”.

View this post on Instagram

A post shared by Besnik Sahatciu Ora (@oranick)

Të tjera imazhe janë fotografi të rralla të Ritës nga fëmijëria e saj, një prej të cilave përfshin një vizitë të familjes në qytetin e tyre të origjinës, Pejë, përkatësisht bjeshkët e Rugovës.

Lexo po ashtu Pak orë para ditëlindjes së saj të 31-të, Vera e uron Rita Orën me një video të rrallë nga fëmijëria e saj

“Urime ditëlindjen Rita, shumë dashuri nga Prishtina. Me një fotografi nga shenja e NEWBORN-it. Shine Your Light (Ndriço dritën tënde), gjithmonë vajza ime e vogël. Shumë urime prej Prishtinës”, ka shkruar Besniku në Instagram. /Telegrafi/