Shuma e parave, ora dhe vendi i duelit: Joshua – Franklin, gjithçka gati për meçin spektakolar

Jermaine Franklin do të shpresojë të shkaktojë një dëshpërim këtë të shtunë mbrëma, pasi synon të fitojë ndaj një Anthony Joshua që dëshiron ta shpëtojë karrierën e tij duke e fituar këtë duel.

Dueli do të zhvillohet në O2 Arena në Londër, ndërsa përballja do të fillojë nga ora 23:15 (sipas kohës tonë lokale), raporton talkSPORT.

Ish-kampioni i botës dy herë do të shpresojë të fillojë një kapitull të ri të karrierës së tij me një fitore kundër amerikanit Franklin. Është një ndryshim i ritmit për Joshuan, i pari që nuk është në garë për titullin botëror që nga viti 2016, është gjithashtu një rikthim në O2 Arena të Londrës pas shtatë ndeshjeve të mëparshme në vendin e tij.

Lufta po cilësohet si një ‘Agim i Ri’ për ‘AJ’, me ish-medalistin e artë të Britanisë së Madhe nga viti 2012 që shpreson të rindërtojë karrierën me një sy tek titulli në 18 muajt e ardhshëm. Ai ka një trajner të ri, me Derrick James që zëvendësoi para disa muajsh Robert Garcian.

Por, sa do të fitojë dyshja nga ky duel?

Nuk është lufta më e madhe e AJ-të dhe shuma nuk pritet të jetë as afër 40 milionë eurot të raportuara që ai fitoi për t’u përballur me Usyk gushtin e kaluar.

Nuk është konfirmuar se sa do të fitojë Joshua për luftën, por ai pritet të marrë në shtëpi deri në 10 milionë euro nëse fiton duelin në Londër.

Ndërkohë, Franklinit i garantohet një 950 mijë euro për luftën, por kjo mund të rritet në mbi 1 milion euro nëse ai fiton luftën.

Kush bokson para tyre:

Fabio Wardley vs Michael Polite Coffie

Galal Yafai vs Moises Calleros

Campbell Hatton vs Louis Fielding

Austin Williams vs River Wilson-Bent

John Hedges vs Daniel Bocianski

Jordan Flynn vs Kane Barker

Juergen Uldedaj vs Benoit Huber

Ziyad Almaayouf vs Georgi Velichkov

Peter Kadiru vs Alen Lauriolle. /Telegrafi/