Erërat e forta dhe me temperatura të ulëta në Bregun Lindor, kanë bërë që një lagje te liqeni Erie në New York të ngrihet e tëra, duke i mbuluar të gjitha shtëpitë me akull dhe duke i bërë ato të pabanueshme.
Shtëpitë në Nju Jork ishin të mbuluara plotësisht në akull gjatë fundjavës, me akull varur nga dyert dhe dritaret, duke lënë disa shtëpi plotësisht në errësirë për shkak të dritareve të ngrira, transmeton Telegrafi.
Fotografi tronditëse tregojnë shtëpi dhe pemë në plazhin Hoover, pikërisht përpara liqenit, të mbuluar me dëborë dhe akull të trashë.
Dëmi ishte aq ekstrem sa disa banorë u detyruan të dilnin nga shtëpia pasi akulli që mbulonte shtëpitë e tyre ishte shumë i trashë.
Akulli filloi të grumbullohet të enjten dhe të premten për shkak të temperaturave të ngrirjes në -6 gradë Celcius, ndërsa valët nga liqeni Erie rrahën vijën bregdetare dhe erërat e forta më tej bënë që shtëpitë të mbulohen me akull.
Një pamje ajrore e lagjes ujore tregon një duzinë shtëpi të mbuluara plotësisht me dëborë dhe të mbuluara në akull me baltë. /Telegrafi/
