Shtëpia në Oksford me peshkaqen në kulm, rrëfimi i pazakontë i statujës që u “ndërtua” si shenjë proteste ndaj autoriteteve lokale

Bill Heine, pronar i një shtëpie në Oksford në kulmin e të cilës qëndron i varur një peshkaqen gjigant, kishte vënë statujën në majën e shtëpisë në shenjë proteste kundër “kufizimit të planifikimit dhe cenzurës” në vitin 1986, kurse i biri i tij aktualisht po proteston kundër planeve që objekti i tyre të futet në listën e trashëgimisë së mbrojtur.

Pasi që peshkaqeni është vendosur në mënyrë të fshehtë në kulm, Heine pati një mosmarrëveshje rreth planifikimit të ndërtimit  me autoritetet lokale, para se të ndërronte jetë në vitin 2019, transmeton Telegrafi.

Ndërkaq i biri i tij Magnus Hanson-Heine është i palëkundur në qëndrim që të mos lejoj që objekti i quajtur “shtëpia e peshkaqenit” apo “peshkaqeni i Headington”, sipas ligjeve të bashkësisë lokale të futet në listën e trashëgimisë së mbrojtur.

My personal tribute to Bill Heine. Long live the Headington Shark of Oxford.
Pictures are my own. 🦈 🦈 🦈 https://t.co/RMB80C3Ccg pic.twitter.com/4nUEBLxKFj

— DrifterNick (@NickVagus) April 4, 2019

Bashkësia lokale kërkon nga banorët që të deklarohen për 17 objekte potenciale që të futen në listën e trashëgimisë së mbrojtur, e një prej tyre është propozuar “shtëpia e peshkaqenit”.

E sipas autoriteteve lokale, përfshirja në regjistër do të “ndihmonte rreth planifikimit të ndërtimit dhe njëherit do të ruante karakterin e këtij vendi”.

Magnus Hanson-Heine, një kimist kuantik, tha se futja e shtëpisë në listë do të ishte një “trampolinë” për ta përfshirë atë në listën e trashëgimisë kombëtare, gjë që mund të nënkuptojë më shumë kontroll mbi planifikimin e ndërtimit.

Ai shtoi se kjo do të ishte në kundërshtim me qëllimin fillestar të babait të tij sa i përket skulpturës, që shërbeu për të “protestuar kundër kufizimeve të planifikimit dhe cenzurës”.

“Babai im gjithmonë ka rezistuar për të dhënë ndonjë përgjigje përfundimtare rreth pyetjes së çfarë do të thotë kjo, sepse është krijuar për t’i bërë njerëzit të mendojnë vet dhe të vendosin vet se çfarë është arti”, shtoi ai. /Telegrafi/