Shtatë ndeshje, pesë derbi – Reali para periudhës më të vështirë të sezonit

Real Madridi është përpara një orari jashtëzakonisht të vështirë në periudhën prej afro një muaji në vijim.

Ndeshjet e vështira të Los Blancos do të fillojnë me sfidën e parë të 1/8 së finales në Ligën e Kampionëve kundër Liverpoolit që e zhvillon të martën mbrëma (21 shkurt) në Anfield.

Pas udhëtimit në Angli, Mbretërit do të jenë nikoqirë të Atletico Madridit (25 shkurt) në La Liga për ta zhvilluar derbin madrilen që është shumë i rëndësishëm për rrjedhën e sezonit në kampionat.

Lexo po ashtu ‘Ishte një torturë’ – Klopp u detyrua ta shikonte për herë të parë finalen e humbur nga Reali në Ligën e Kampionëve

Pason sfida e parë gjysmëfinale e Kupës së Mbretit kundër Barcelonës që zhvillohet më 2 mars në Santiago Bernabeu.

Pas këtyre tri ndeshjeve të mëdha do të ketë dy detyra paksa më ‘të lehta’ në La Liga, si mysafir i Real Betisit (5 mars) dhe si nikoqir i Espanyolit (11 mars).

Lexo po ashtu Modric bën deklaratë befasuese rreth Liverpoolit, para ndeshjes në Ligën e Kampionëve

Më 15 mars rikthehet në përballjen e Ligës së Kampionëve ndaj Liverpoolit (ndeshja kthyese), kësaj radhe në Santiago Bernabeu, kur edhe do të vendoset kualifikimi në çerekfinale apo eliminimi nga gara më e madhe evropiane për klube.

Kjo periudhë e vështirë njëmujore përmbyllet me ‘el Clasicon’ në La Liga më 19 mars, kur Reali udhëton në Camp Nou për ndeshjen që do ta definojë nëse do t’i bëjë konkurrencë Barcelonës për titullin e La Ligas.

Aktualisht, Madridi është në pozitën e dytë në tabelë me 51 pikë, tetë më pak se Blaugranët që janë në krye të tabelës. /Telegrafi/

The next 7 fixtures of Real Madrid 🫣🔥

Predictions? 🤔 pic.twitter.com/GeLnhGk7zQ

— Real Madrid Xtra (@RealMadridXtra) February 19, 2023