Me shpresa të shuara nga doktorët e katër muaj e shtrirë – Ryva Kajtazi me lot në sy tregon vështirësitë e të sjellit në jetë vajzën e saj

Këngëtarja dhe aktorja e njohur shqiptare, Ryva Kajtazi, ka qenë e ftuar së fundmi në një nga kronikat e emisionit “Prive”.

Ajo ka rrëfyer pesë datat më të paharrueshme në jetën e saj, ku një ndër to ka cekur datën 25 dhjetor të vitit 2016.

Ishte pikërisht kjo datë, kur mjekët në Kosovë ia kishin shuar shpresat për ardhjen në jetë të fëmijës gjatë kohës sa ishte shtatzënë.

Ky lajm i kishte ardhur si bombë aso kohe Kajtazit, e cila pikërisht në një datë të njëjtë të një viti më parë në 2015-n, kishte përjetuar ndërprerjen e shtatzënisë për herë të dytë.

Ryva tregon se pas tronditjes, vendosi të kontaktojë një doktoreshë nga Shkupi, e cila u kujdes për të, por që edhe ajo i kishte dhënë shpresë përmes një operimi, nga ku mundësia e dështimit ishte në 99 për qind.

Mirëpo këngëtarja tha se nuk kishte asgjë për të humbur dhe kështu vendosi të provojë fatin duke iu nënshtruar operimit, i cili për fat të mirë rezultoi i suksesshëm.

Më pas ajo tha se iu desh të qëndronte për rreth katër muaj e shtrirë, në mënyrë që t’i shpëtonte dështimit – gjë për të cilën Kajtazi falënderoi nënën e saj që i qëndroi pranë gjatë gjithë asaj kohe.

Lexo po ashtu Të gjitha lajmet nga Estrada Shqiptare

“Nuk e kam shijuar asnjë ditë, çdo mëngjes, çdo mbrëmje iu kam lutur Zotit që ky fëmijë të shpëtojë”, ka thënë Ryva përgjatë emisionit, ku nuk i mbajti as lotët.

Dhe si rezultat i kësaj rezilience, këngëtarja arriti që ta sjellë në jetën vajzën e saj, Dorela, dhe vetëm tri vite më pas, ajo solli në jetë edhe një tjetër djalë, Fronin, i cili erdhi në jetë pas një shtatzënie të lehtë dhe jo të ndërlikuar si ajo e para. /Telegrafi/