Shprehej se ishte ‘shtatzënë’ me këtë projekt – reperi Lil Nas X “e lind” albumin e tij të ri, ndërsa sjell skena të nxehta me një mashkull në klip

Pas disa javësh promovimi me barkun “shtatzënë”, reperi Lil Nas X më në fund ‘lindi’ albumin e tij të shumëpritur debutues, të titulluar “Montero”.

Në një skenë dramatike në YouTube, 22-vjeçari ka realizuar një skenë, ku mund të shihet duke u dërguar në spital, ku mirëpret kapitullin e tij të ardhshëm muzikor në botë, shkruan DailyMail.

Sikur të mos mjaftonte publikimi i një albumi të tërë, Lil Nas X gjithashtu dha premierën klipin “That What I Want”, në të cilin shfaqet në një skenë seksi tepër raciste brenda një dhome zhveshjeje me një mashkull misterioz.

View this post on Instagram

A post shared by MONTERO (@lilnasx)

“Montero”, i cili vjen pas suksesit të mini-albumit të tij të vitit 2019, përmban këngë në bashkëpunime me emra të famshëm si Miley Cyrus dhe Megan Thee Stallion.

Lexo po ashtu Befason reperi Lil Nas X, pozon me barkun e fryrë dhe thotë se është shtatzënë me albumin e tij

Në videon promovuese të publikimit të albumit, Lil Nas X mund të shihet duke përjetuar “dhimbjet e lindjes”, teksa transportohet me një ambulancë.

Më pas, këngëtari i hitit “Call Me By Your Name” pushon pak, pasi dy mjekë e sigurojnë se “lindja” do të shkojë pa probleme.

Më pas në dhomën e spitalit, Lil Nas X shtyn dhe shtyn derisa CD-ja e albumit “Montero” të dalë prej tij.

“Uau! Është e bukur! Urime!”, thërret një nga mjekët ndërsa shikojnë albumin.

Lil Nas X bën shaka duke thënë: “Tashmë është nominuar për një ‘Grammy’”.

Lexo po ashtu Lil Nas X i organizon festë 'baby shower' albumit të tij, për të cilin thotë se është shtatzënë dhe është në pritje të lindjes së tij

Menjëherë pas lindjes pseudo dramatike, fansat e Lil Nas X u drejtuan në një lidhje tjetër në YouTube për të pritur klipin e parë që u publikua nga albumit – atë të këngës “Thats What I Want”.

Videoja muzikore gati tre minutëshe nis në një fushë futbolli të shkollës së mesme me tifozë përreth që brohorisin. Lil Nas X më pas shihet duke rënë nga qielli si një meteor dhe i veshur plotësisht me veshje rozë futbolli, zbret direkt në mes të fushës me lojtarë përreth tij.

View this post on Instagram

A post shared by MONTERO (@lilnasx)

Duke u zhytur në dhomat e zhveshjes së skuadrës, Lil Nas X i afrohet një futbollisti, gjë që çon në një shfaqje shumë pasionante mes dyshes.

Ata lëvizin nga dollapët në dushe, ku Lil Nas X hap me butësi një prezervativ ‘Durex’ me dhëmbët e tij.

Lil Nas X është shquar për klipet e tij të çuditshëm dhe të guximshme në të njëjtën kohë, duke moshezituar të sjellë skena seksi mes dy njerëzve të gjinisë së njëjtë në klipet e tij. /Telegrafi/