Shokët e ngushtë që kanë lindur përmes IVF-së, kuptojnë se janë motër e vëlla (Foto)

Jack Bowman dhe Georgia Bong nga Liverpuli i Anglisë, e kanë kaluar tërë jetën së bashku, sepse ishin fqinjë dhe shokë klase, por tani kanë kuptuar se janë edhe të afërt – familjarisht…

Me të kuptuar se ata janë ngjizur artificialisht, kanë vendosur t’i shkruajnë klinikës ku është kryer trajtimi IVF për të kuptuar se kënd e kanë baba biologjik, transmeton Telegrafi.

Rezultatet i kanë arritur së pari Jackut dhe i është thënë se shoqen e tij të ngushtë që ka lindur më 1998, mund ta ketë shumë të afërt.

“Qëndronim së bashku dhe prisnim kur të vije posta, për të parë se çfarë lidhje kemi”, ka shkruar Georgia lidhur me rastin.

Ata kanë mbetur të befasuar, por janë gëzuar shumë kur kanë kuptuar se e kanë të njëjtin donator që del të jetë babai i tyre.

“Nuk mund të jem më e lumtur: shoku i jetës sime është edhe vëllai im”, ka shkruar më tutje ajo në rrjetin social.

Me këtë rast, ata inkurajojnë të gjithë fëmijët që janë fryt i këtij tretmani, që ta bëjnë të njëjtën gjë dhe të kuptojnë se kë mund ta kenë familjar. /Telegrafi/