Shkupi ju fton të ndiqni yjet e botës, në mesin e tyre edhe legjendat e rokut – Jethro Tull

Kanë mbetur vetëm dy javë deri te festivali i tretë me radhë, i quajtur “Skopje Calling”. Ky festival i madh i muzikës nis më 21 qershor e përfundon me 24 të të njëjtit muaj.

Në një konferencë për media të organizuar nga “Avalon Production”, u bë e ditur se në këtë festival të ftuar do të jenë një numër i konsiderueshëm i artistëve botërorë, përfshirë: Axwell and Ingrosso, Nouveue Vacue, Morcheeba,Texas, Darko Rundek, Alan Walker…

Një nga organizatorët e këtij projekti, Krenar Sadiku, ka thënë se qëllimi i konferencës së organizuar nmë Prishtinë nga “Avalon Production”, ka qenë komunikimi i drejtpërdrejtë me Kosovës.

Sadiku shtoi se festivali i sipërpërmendur është unik dhe madhor, dhe se “Avalon…” në agjendë ka edhe festivalin tjetër “Ohrid Calling” që mbahet nga 1-4 gusht, e ku do të mund të ndiqen yjet e muzikës elektronike, si: Dimitri Vegas dhe Like Mike, Armin van Buuren, Jax Jones, e madje Roger Sanchez…

Përfaqësuesi i “Avalon Production”, Denis Ilijoski, ka thënë se është hera e dytë që vjen në Prishtinë. Ai shtoi se kompania që përfaqëson është e lumtur për bashkëpunimin me Kosovën.

“Faleminderit të gjithë adhuruesve të muzikës së mirë në Prishtinë; faleminderit të gjithë juve që keni ardhur në këtë konferencë shtypi”, ka thënë Iljoski.

“Avalon Production” ka vendosur që të nxjerr biletën “Block” që kushton 33 euro dhe atë “Fan Pitt” me 50 euro. Pra, me këto bileta do të mbulohen të gjitha mbrëmjet e të dy festivaleve.

Iljoski tregoi se Kosova është e gatshme për një koncert të madh dhe shtoi se kompania e tyre do të punojë në këtë drejtim.

“Kosova është e gatshme për projekte të mëdha”, ka thënë ai, duke shtuar se legjendat e muzikës botërore, Jethro Tull, në tetor do të performojnë në Shkup. /Telegrafi/