Shkencëtarët paralajmërojnë masa urgjente: Skenarët e apokalipsit që kërcënojnë njerëzimin (Foto)

Ekspertët parashikojnë se së shpejti mund të ndodhë një katastrofë që do të shlyente njerëzimin nga faqja e dheut.

Ata konsiderojnë se rreziqet më të mëdha për njerëzimin janë: pandemia, ndryshimet ekstreme klimatike dhe luftërat bërthamore, transmeton Telegrafi.

Është e nevojshme që udhëheqësit botërorë të bëjnë përpjekje më të mëdha dhe të kufizojnë rreziqet rreth këtyre tri kërcënimeve, përndryshe rrezikohemi nga apokalipsi.

Ky paralajmërim i kobshëm vjen nga Universiteti i Oksfordit. Autorët e raportit i bëjnë thirrje komunitetit ndërkombëtar që të informohen për rëndësinë e të ardhmes së njerëzimit dhe të kuptojnë kërcënimet ndaj ekzistencës së njerëzimit.

Hulumtuesit kanë intervistuar ekspertët e këtyre fushave dhe, në bazë të këtyre intervistave, janë paraqitur hapat kryesorë që mund të ndihmojnë në zvogëlimin e rreziqeve që po kërcënojnë ekzistencën tonë.

Liderët botërorë duhet të bëjnë më shumë përpjekje në parandalimin e zgjerimit të sëmundjes së Ebolës dhe virusit Zika. Prezenca e këtyre sëmundje është një problem i madh, sepse ato përfshijnë patogjene të panjohura për të cilat nuk ekzistojnë vaksina.

Është e nevojshme që t’i kushtohet më shumë vëmendje armëve biologjike, transmeton Telegrafi.

“Në një studim të realizuar së fundmi lidhur me qëndrimet e ekspertëve teknikë për armët biologjike, theksohet nevoja urgjente për një fokus më të gjerë dhe më të qëndrueshëm ndërkombëtar”, ka deklaruar eksperti biologjik Piers Millet.

Bombat bërthamore janë armët më shkatërruese në botë, me një fuqi që mund të rrafshojnë qytete të tëra brenda një sekonde.

Duhet t’i kushtojmë vëmendje gjithçka çfarë hidhet në atmosferë, pasi që një numër i gazrave toksike janë përgjegjëse për ndryshimet ekstreme klimatike.

Që nga revolucioni industrial, njerëzit janë fajtorë për prishjen e ekuilibrit delikat në atmosferë.

Autorët e raportit paralajmërojnë se duhet t’i kushtojmë më shumë vëmendje hulumtimeve gjeoenergjetike.

“Bashkëpunimi ndërkombëtar mbi rreziqet globale është i rëndësishëm si kurrë më parë”, ka deklaruar Sebastian Farkvar. /Telegrafi/