Shkatërrohet rrjeti që trafikonte shqiptarët në Francë

Në Francë është shkatërruar një rrjet trafikantësh të paligjshëm të migrantëve të cilët brenda një viti kanë trafikuar 2,500 deri 3,000 shtetas të Shqipërisë dhe të Kosovës në vend.

Sipas burimeve franceze, nëntë persona kanë qenë të involvuar dhe ndaj tyre është ngritur kallëzim penal.

Katërmbëdhjetë nga ta janë arrestuar në rrethinën e Parisit dhe në verilindje të vendit, shkruajnë mediat franceze. Nëntë nga ta, në mesin e të cilëve katër organizatorët e rrjetit, janë paditur.

Ata akuzohen për “ndihmesë për hyrje apo ndihmesë të qëndrimit ilegal të një të huaji në territorin francez, në mënyrë të organizuar”, ka pohuar për Agjnecinë franceze AFP, Frédéric Nahon, prokuoror i Republikës Chaumont (verilindje), duke precizuar se tashmë janë burgosur tre persona, përcjell albinfo.ch.

“Autobusët kanë udhëtuar nga Shqipëria, duke kaluar nëpër vende të ndryshme për të arritur deri në Francë, dhe duke lënë udhëtarë edhe në nëpër vendet si Italia, Gjermania e Belgjika”, ka spjeguar drejtori i policisë kufitare të zonës lindore në Francë, Christian Lajarrige.

Udhëtarët kosovarë apo shqiptarë në Francë janë lënë kryesisht në Metz dhe Strasbourg, nga së paku katër autobusë në javë. Disa nga ta, në Francë kanë ardhur edhe me avionë.

“2,500 deri 3,000 persona kanë mundur të përfitojnë nga këto kushte të pranimit. Me një biletë prej 200 eurosh, supozohet se fitimi ka arritur në shumën prej 600,000 eurosh, ka precizuar Lajarrige. “Në këtë shumë mund të shtohen edhe 600 deri 2,000 euro për kujdesin dhe mbështetjen ndaj udhëtarëve, për një person”, ka shtuar më tej ai.

“Këta persona fillimisht kanë përfituar nga ndihmat e strehimit dhe më mënyrë potenciale edhe nga ndihmat për parashtresë të kërkesës për azil”, pohon Lajarrige, duke nënvizuar se “dokumentet për parashtrim të kërkesës për azil” ishin sekuestruar gjatë kësaj jave në nëtë autobusë të përgjuar në Metz dhe Strasbourg.