‘Shermanator’, protagonisti i shëmtuar nga “American Pie”, sot duket shumë ndryshe (Foto/Video)

Ju kujtohet hit-komedia “American Pie”, në të cilën u prezantuan shumë karaktere të paharrueshëm, në mesin e të cilëve ishte edhe legjendari ‘Shermanator’.

Duke qenë se komedia për herë të parë u lansua në vitin 1999, shumëkush mund të mendojë se si duken tash protagonistët interesantë dhe të çuditshëm.

Protagonisti ‘Shermanator’, siç e quante veten “një robot seksi i sofistikuar” – është portretizuar nga aktori Chris Owen.

Mungesa e seksit ishte kombinuar me obsesionin për filmat Terminator, ashtu që e quante veten ‘The Shermanator’ – ndërsa krahas mossuksesit me femrat, karakterizohej me stilin e flokëve dhe tendencën për të urinuar në pantallona në momentet kur ndodhej nën presion.

Mirëpo, tash kur kanë kaluar 18 vjet prej se ishte publikuar filmi i parë “American Pie”, Chris Owen është shndërruar në një mashkull atraktiv.

Sidoqoftë, karriera e 36-vjeçarit nuk ka shkuar mirë, njofton Telegrafi. Në vitin 2013, ai madje kishte nisur të punonte si kamerier në një restorant sushi në Los Angeles.

Pas “American Pie”, ai u shfaq në ” American Pie 2″ (ku Sherman e humb virgjërinë me Nadian), si edhe në “American Pie Presents: Band Camp”, si një këshilltar për udhëtime. Njëherësh, ai luajti edhe në “American Reunion” (në vitin 2012), ku ishte i martuar dhe kishte një djalë.

https://www.youtube.com/watch?v=iBeDBvPfaBw

Pastaj, Owen ka pasur disa role të vogla në filmat, si “Van Wilder”, “Gold Diggers”, “Dorm Daze” dhe “Dorm Daze 2”, si edhe në disa seriale televizive.

Në Wikipedia, profesionet e tij theksohen si aktor dhe fotograf, ndërsa këtë vit luan në dy filma që akoma janë në fazën e produksionit.

Në jetën personale, Owen ka qenë i martuar për pesë vite me aktoren Michelle Beck, me të cilën është ndarë në vitin 2012.

Mirëpo, ai ka gjetur një të dashur të re, me emrin Dayna Cousins. Edhe ajo është aktore dhe ka luajtur në filmin e vitit 2013, “Dark Feed”. /Telegrafi/